Ifisas 1:4 - Hano Niu Testamen

⁴ Kea gin binihiva be, lol Kraes, kea nu gita lua gida amua mwa siv tau ureure huria be gida tai vora non sinombu i sinombu be sihav vitultuli te gida lolmatana.

Ifisas 1:4 ပူးပေါင်းရင်းမြစ်များ

Matiu 24:22

Take God nu lol vwelvwelei mahavana huba gea. Be si hav lolia te kunia, atatu si hav rahu tehe. Ta bwatuna irahei gabe God nu gita luara, kea vi lol vwelvwelei mahavana gea.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 24:31

Haḡe taiva vi tatan̄ gaivua, i nav derai noḡu enjel vai la sigun ureure duluai, i rav haraḡoḡo noḡu atat gitalua nin tavalun ureure vai tavaluna.

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Leo Tavuha gabe Jon nu Ravae 10:16

Vatugi sipsip dodolua gabe bilaku ram hav togo tehe lol vatugigi geki. Nav laira mulei; rav ron̄ siloku, i rai vora vatugi sipsip gaituvwa mai radaiḡoro gaituvwa.”

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Leo Tavuha gabe Jon nu Ravae 17:24

“Tata! Gon laira lalaiau, i nam doron be rav togo maiau lol ute be nav to aia, huribe rav gita sarisariku, sarisari gabe gon laia lalaiau; huribe gon tabeau la bwativuna vuvuri mwa siv tau ureure.

Lalaḡova 13:48

Mahavana be ira Lolobon̄i ram ron̄ avoana geki, ram avkari Ratahigi gin samwarana gaivua, i kera gabe nu uloinira huri rahuana ram bora ira binihimwasigi.

Lalaḡova 15:18

Haḡe Ratahigi, gabe nu vev sera ginau geki tuai huba.”

Lalaḡova 18:10

bwatuna inau bul maigo i atatu vwate sihav lol te hantai dumwigo, bwatuna be noḡu sinombu ivusi alolon bwatutun vanua geki.”

Ravrava non Pol lalai ata Rom 8:33

Ihei haḡea vi vev dum avoan hantai lalai atatu be God nu gita luara? Atatu vwate sigai, huribe God haḡea sibona nu lolira ram bavtutu.

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Ifisas 5:27

Kea nu mate huribe kea vi lai uloilua lalainia sibona kun vavin lagi mwa ḡabui rebehina sibona. Kea nu mate huribe uloilua vi melmelo dumwi i vurona vi sigai.

Filipae 2:15

Vuvuri giv melmelo i nomiu vahalana vi sigai. Giv vora ira nitun God be vahalana sigai. Take gim dogo mai sinombu lete i atat hahantai dalis kimiu, alolora gim ḡigita kun ira visiu lol mahao.

Kolosi 1:22

Take kadogaha, God mwa lol kimiu gi ira tuana mulei sivi mateanan Kraes. I kadogaha gov mai dum lolmatan God kun atatu gabe ran sabuga, i nu melmelo be vahalana sigai.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

1 Tesalonaeka 3:12

Nam dataro be Ratahigi vi lol nomiu lolotabetabe vi mauri liu i vi mauri huri kimiu gaitutuvwai i huri sinombu duluai huri be giv lolotabetabe kera dodolua kunia be kamai gam dabe kimiu.

1 Tesalonaeka 4:7

God nu hav uloi te gida be tav togo lol vuro, take tav togo melmelo.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”