Ifisas 1:19 - Hano Niu Testamen

¹⁹ I kimiu giv iloe be muramura non God gaivua maragai huri gida be tam binihimwasigi, Muramura gea kunia n̄an gabe butuana gaivua.

Ifisas 1:19 ပူးပေါင်းရင်းမြစ်များ

Leo Tavuha gabe Jon nu Ravae 3:6

Atatu be mwa bora gin vihogoi nin tamana, i ratahina kea vihogoi, ta kea gabe mwa bora gin vui, mwa bora Vui.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

2 Korin 4:7

Kamai nomai na hogoi tavuha uhu nin God, take kamai kun tanon wai be tan malagoba be mwa dau ḡoḡo na hogoi tavuha alolona. Geki mwa seserainia be muramura gaivua mwa mai nin God, mwa hav vora te nin kamai.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Ifisas 3:7

Gin mwasin hogoi non God be mwa laia lalaiau sivi nin muramura, inau nam mai gi atatun rovoga be namen vev lua Roroi Tavuha gea.

Ifisas 6:10

Mulei, giv tu wasigi lol ihan God i lol non muramura lavoa.

Filipae 2:13

bwatuna be God mwa lol rovoga alolomiu, be vi bului kimiu giv doron be giv lol hano be vi lol samsamwarai lolon God.

Filipae 3:21

Gin non muramura be vi rovoi ginau duluai, vi leahi vihogoi i vi lolira kun rebehina sibona be nu sarisari.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

2 Tesalonaeka 1:11

Kea haḡea huri hano gam dataro ḡaoḡao huri kimiu, gam hudali God be vi bului kimiu be giv togo la rahuana gabe nu uloi kimiu be giv togo aluna. Gam dataro be mai non muramura, God vi bului kimiu be giv lol ginau tavuha be gim doronia i giv lol rovoga be ram mai nin nomiu binihimwasigi garagusi.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.