Ifisas 1:18 - Hano Niu Testamen

¹⁸ Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 1:18 ပူးပေါင်းရင်းမြစ်များ

Matiu 13:15

bwatuna binihira mwa bwatoa, i bwerora nu vono, i ran bul matara. Bere ram ḡita dum gin matara, i ram ron̄ dum gin bwerora, bereva ram ḡita batoia, i ram garere huriau, God mwa bevea, i nav varahura.’

Leo Tavuha gabe Mak nu Ravae 10:17

Mahavana be Jisas mwa dau bwatun non lagoana mulei atatu vwate mwa rovo vai abena mwa sisiabwau ḡoroe mwa hudalinia mwa bevea be, “Vagahi Tavuha, nav lol hano be nav haḡo dum rahuana vai tuai?”

Leo Tavuha gabe Luk nu Ravae 24:45

Haḡe mwa havan̄ nora binihiva be ramen ron̄ batoi Ravrava Sabuga duluai.

Lalaḡova 16:14

I vavine vwate mwa dogo mwa roron̄tai kamai kea vavine ata Tuatira ihana Lidia. Vavine geki non silo abena i mwa salei gav memea tavtavuha maragai. Lidia geki mwa ḡogonai God, i Ratahigi mwa havan̄ non binihiva be men roron̄tai havanau gabe Pol mwa bevea.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 11:29

God mwa hav leahi te hohoi binihina mai non sinombu be nu uloinira i vataha ginau be nu laia lalainira.

Ravrava non Pol lalai ata Rom 2:4

Kea nu tavuha i nu maḡemu lol alen̄ana, mwa hohovigo be gomen leahi, ta gom binihi bahivoi non togonai. Bisata gom hav gita te batoia be God mwa lol tavuhainigo be gomen leahi alen̄amwa i rahumwa.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Ifisas 1:11

Lol Kraes mwa gita lua gida be tai vora sinombu non God, bwatuna be la bwativuna radui, God nu tari halana geki gin non taritari. I kea haḡea atatu gaituvwa be nu lol ginau duluai mwa dame alun ginau be kea nu vinihia i nu doronia.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 2:12

I kimiu gin togo n̄an vuroi kunia Kraes sigai. Kimiu gin hav vora te udun dameana mai tatauleo be God nu lolia lalai non sinombu. Nomiu doronhohov sigai, i gin hav ilo te God.

Ifisas 3:16

Nam hudali Tata lol sarisarina gaivua be vi lai muramura lalainigo be gov muramura lol lolomwa sivi non Vui.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Ifisas 5:8

Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

Kolosi 1:12

I gov samwara ba lai tabeana lalai tata be nu loligo gom haḡo dum houn ginau duluai be nu lol vatuvwainia huri non sinombu lol ute ratahigi huri gigita.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

1 Tesalonaeka 5:8

Take gida ata lol gigita, mwa du be tav togonai gida siboda. Mwa du be tav saga binihimwasigi garagusi i lolotabetabe be vi tuḡoro gida, i doronhohov huri varahuva kun gaisagan bwatu.

2 Tesalonaeka 1:11

Kea haḡea huri hano gam dataro ḡaoḡao huri kimiu, gam hudali God be vi bului kimiu be giv togo la rahuana gabe nu uloi kimiu be giv togo aluna. Gam dataro be mai non muramura, God vi bului kimiu be giv lol ginau tavuha be gim doronia i giv lol rovoga be ram mai nin nomiu binihimwasigi garagusi.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Timoti 6:12

Bwalo gin bwaloan tavuha gin binihimwasigi garagusi, ḡamus batugehi alun rahuana kea be mwa du rahurahu vai tuai. Nu uloinigo be gov haḡo rahuana gea batena be gon seserai lua tavuhainia lolmatara kera ivusi.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Taetas 3:7

Tam mai bavtutu mai God alun non hogoi, tam lai dum doronhohov be tav lai rahuana be sihav nogo tehe.

Hibru 10:32

Nu tavuha be giv togo ba binihi mulei huri gubwen̄i amua be ran ḡao huba be rahun God nu votui kimiu. Gin habwe taro ririhai ivusi take taro keragea ran hav tau te kimiu ata.

Hibru 6:4

Kera gabe ran tabagilu huba, halara sigai, bwatuna be kera gea ran mai lua alolon gigita non God. Ran lai tabeana gea huba gabe nu himai nin ute atamare, i Vui Sabuga nu himai huba aluna mai atatu dololua mulei.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.