Hibru 9:3 - Hano Niu Testamen

³ Ram harabora vwavwana gea gin gavu i ram bevea be vwavwana gea be Ute Sabuga Liu. Lol vwavwa gea olta vwate huri tataroi tuntun. Olta geki ran lolia gin vatan̄oga. Ginau dodolua mulei ram du lol vwavwana gea i bugoron dameana mwa dogo aia be ram haḡoia gin vatan̄oga.

Hibru 9:3 ပူးပေါင်းရင်းမြစ်များ

Matiu 27:51

Haḡe gavun gatavan imwa lol Imwa Tataro mwa mahera boravora tumu nu tau bwatuna amare vai votui ataa lol ureure. Sogai mwa ruru, vatutu ram datavaga,

Hibru 6:19

Alen̄a gea be tam dau nonda doronhohov mwa du wasigi huria be tav lai dum ginau gea, kun gabe marahin waḡa be vi haḡo rahuda. Doronhohov vwate be nu saga mwasigi, be sihav rihu te dumwi. Doronhohov mwa ban sivi gavu gabe mwa du huba lol ute gogona non God.

Hibru 9:7

Vatuvwa lol taulu muai tataroi sibona mwa haroro alolon vwavwana sabuga gea. Mwa du maragai be kea vi lai daga i mwa ḡaburainia huri vurora i vuron sinombu be ram lol vuro take ram len̄a be vuro.

Hibru 9:8

Mai ginau duluai geki Vui Sabuga mwa seserainia lol taro be imwa haohao nu tu radu, hala sigai be men mahavan̄i huri gida be tav haroro lol Ute Sabuga Liu.