Hibru 9:28 - Hano Niu Testamen

²⁸ Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Hibru 9:28 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 25:31

“La mahavana be inau Nitun Atatu nav mai mulei kun gabe Ratahigi Lavoa maira enjel duluai bul maiau, inau nav togo alun tanon togotogon lavoa,

Matiu 26:28

Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi.

Leo Tavuha gabe Jon nu Ravae 14:3

Ataguna be nai vano ba lol vatuvwai ute huri kimiu. Nai mai mulei ba lai kimiu huriau siboku, huri be giv togo mulei aia be inau nam dogo.

Lalaḡova 1:11

Ira tarua geki ramuru bevea lalainira be, “Ata Kalili, huri hano gim du gim ḡarere vai hae lol mahao? Jisas geki, gabe God mwa laia nin kimiu hae vai lol mahao, vi himai mulei la hala n̄an kunia be gim ḡitae mwa hae vai lol ute atamare.”

Ravrava non Pol lalai ata Rom 3:25

God nu laia la hala be vi vinihi kaburai vuro sivi binihimwasigi garagusi la dagan Jisas be nu mate. Geki mwa melmelo be God mwa lol hano nu vavtutu i nu tavuha, kunia tuai lol taro be nu togo ḡoḡonai i nu hav vevegi te atatu huri vurora.

Ravrava non Pol lalai ata Rom 5:15

Take hogoi non God nu hav vora te kun vuron Adam. Sinombu ran mate huri vuron atat gaituvwa. Take hogoi non God nu lavoa liu; sinombu ran lai hogoi non God huri rahuana nin hogoi non atat gaituvwa, Jisas Kraes.

Ravrava non Pol lalai ata Rom 6:10

Uwe, lol taro be varahu mwa mate, mwa mate be men tuḡoro muramura nin vuro vaituvwa nu dadariha huri vataha mahavana. Kadogaha rahuna nu gara i rahuna gea mwa dogo mai God.

Ravrava non Pol lalai ata Rom 8:23

Varate ureure n̄ano, ta kamai mulei gam hohovi mai ron̄ ḡagarasi alolomai. Gam haḡo Vui Sabuga kunabe muan ginau lol tatauleo non God. I gam hohovi God be vi lol kamai gi ira nituna, gin binihiva be rebehimai rav togo melmelo nin vuro.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

1 Korin 1:7

Lol taro be gim dogo hohov Jisas Kraes be vi mai mulei, gin lai vatavuha n̄oton̄oto.

1 Korin 15:54

Lol taro be ginau geki vi loli, rebehi be vi lolian kaburai vi sagae sibona ginia kebe si hav lolian te dum kaburai, i rebehi geki be vi mate vi sagae ginia kebe si hav mate te dumwi. Lol taro be vi loli, avoan sabuga vi lolian vi mai gi mwasigi: “Mateana vi lolian kaburai lol samwarana.”

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

2 Tesalonaeka 2:1

Ira tuaku, ginau vwate be nav vevea huri maiana non ratahigi Jisas Kraes i taro be tav visvisogari vatuvwa maia.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 1:14

Ira enjel havanau? Enjel kera n̄an ira vui gabe mwa horara be rav lalaḡo lalai sinombu be rav lai varahuva.

Hibru 10:10

La alen̄an tataroi tuntun gara God mwa lin̄ Jisas Kraes be men mate vatuvwa n̄ano be men lol gida tam melmelo, tam sabuga, kunia be mwa doronia.

Hibru 12:14

Giv lol ron̄oe be giv togo lol tamwata lolmatan sinombu, i giv togo lol rahuan gogona. Be gosav haḡo te alen̄a geki, gosav gita te dum God.

Hibru 2:3

Be gida tas varihai hal gaivua geki huri halan varahuva, i kunia tav lol haninia be tamen romaragai nin silo vevegi? Ratahigi sibona kea muana be nu vevea huri varahuva, i sinombu gabe ran ron̄ roroi lol taro gea mwa seserainia lalai gida be mwasigi.

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

Hibru 7:27

Kea nu hav vora te kun ira muai tataroi dodolua be ran wehi sipsip vataha gubwen̄i be vi lol melmeloinira nin vurora amua, i ataguna rav siv wehi sipsip huria be vi lai dagai vuron sinombu dodolua. Hala gabe tataroi dodolua ran lolia kunia, Jisas nu nogoi nona la hal maron̄ron̄o vatuv mamaha n̄ano, mahavana be nu mahin̄ainia be men mate huri be vi lai dagai vuron sinombu.

Hibru 9:25

Muai tataroi tuai nu hae lol Ute Sabuga Liu vatuvwa lol taul gaituvwa mai dagan ginau rahu. Take Kraes nu hav hae tehe vaivusi be men lin̄ rahuna lalai God.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

2 Pita 3:12

Kunia be kimiu gim hohovi huria i gim ḡarere dotomua huri maiana non God. Lol taro be gubwen̄i gea vi mai mahao vi lol kaburaiana gin gabi, i ginau duluai alolona vi rovo gin hahavwani.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

Ravrava nin Jud 1:21

Giv togo lol lolotabetabe non God, lol taro be gom hohovi huri sine hagavi non Ratahigi Jisas Kraes mai non Vui be vi lai rahuana lalainigo vai tuai.

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.