Hibru 9:15 - Hano Niu Testamen

¹⁵ Huri ginau geki Kraes haḡea mwasin atatu be vi lol dautau tatauleo gara geki. Bwatuna gea atatu be God mwa uloi luara rav lai dum vatavuha vai tuai be God nu tatauleo huria lalainira. Mateanan Kraes haḡea vi lolia rav lai dum vatavuha.

Hibru 9:15 ပူးပေါင်းရင်းမြစ်များ

Matiu 19:29

I mulei kera gabe ram derai imwara, sa ira tuara, sa ira hogosira, sa ira tamara sa ira ratahira, sa ira nitura, sa ira bilara talu huriau, kera gea rav lai liu vavudolua. I rav haḡo rahuana vai tuai.

Matiu 22:3

Haḡe mwa hora non atatun rovoga be rav warera nu tauleoinira be rav mai huri ginaganiana, take ram barihai didi mai.

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Matiu 25:36

Nan la vuroi, gin saga ḡoroau. Nan haro, gin gitaḡoroau. Nan togo lol imwa vauvauhi, gin mai gin siroau.’

Leo Tavuha gabe Mak nu Ravae 10:17

Mahavana be Jisas mwa dau bwatun non lagoana mulei atatu vwate mwa rovo vai abena mwa sisiabwau ḡoroe mwa hudalinia mwa bevea be, “Vagahi Tavuha, nav lol hano be nav haḡo dum rahuana vai tuai?”

Leo Tavuha gabe Luk nu Ravae 18:18

Haḡe tomuai vwate nora Jius mwa hudali Jisas mwa bevea be, “Vagahi Tavuha, nav lol hano be nav lai dum rahuana vai tuai?”

Leo Tavuha gabe Luk nu Ravae 22:20

Kunia mulei, mwa lai laha lalainira atagun ginaganiana, mwa bevea be, “Laha geki tatauleo gara non God mwa laia mai dagaku gabe mwa rovo huri kimiu.”

Leo Tavuha gabe Jon nu Ravae 10:28

Nam lai rahuana vai tuai lalainira, i rasav mate tehe. Atatu sihav rais te dagainira ninia.

Lalaḡova 20:32

“I kadogaha nam lin̄ kimiu ta aten muramura non God i gin avoana huri non hogoi, gabe vi lol kimiu giv mauri wasigi, i vi lai lalai kimiu vatavuha God mwa laia huri non sinombu.

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 5:6

Lol taro gea be nonda muramura sigai radu be tamen mai gi atat vavtutu la lolmatan God, lol mahavan taro be God nu tovoe, Kraes nu mate be vi varahu atat vuroga.

Ravrava non Pol lalai ata Rom 5:8

Ta God mwa bagahi non doroniv muramura huri gida la hala geki: Kraes nu mate huri gida lol taro be tan vuroga radu.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

Ravrava non Pol lalai ata Rom 8:28

Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

Ravrava non Pol lalai ata Rom 8:30

God nu lol binbinihi hurira be rai vora kun nituna; i kera gabe nu lolira be rai vora kun nituna, kea mulei nu uloinira; i kea be nu uloinira, mwa lolira mulei ram bavtutu la lolmatana, i kera be nu lolira ram bavtutu, kea mulei mwa lai rahuan tavuha lalai gida.

Ravrava non Pol lalai ata Rom 9:24

i gida haḡea sinombu be God nu uloi gida. Nu hav uloi te gida n̄an nin ira Jius take nu uloinira Lolobon̄i mulei.

2 Korin 3:6

Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

Kelesia 3:20

Take atatun tamwata mwa hav loli tehe batena be tavaluna gaituvwa n̄ano i God kea gaituvwa n̄ano.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

2 Tesalonaeka 2:14

God mwa lol Roroi Tavuha be gam doretore huri be men uloinigo be gomen rahu huribe gov rahu dumwi lol sarisari non nonda ratahigi Jisas Kraes.

1 Timoti 2:5

God gaituvwa n̄an i hala gaituvwa be atatu vi votui God. Hala gea sivi Kraes Jisas, kea sibona atatu.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Taetas 3:7

Tam mai bavtutu mai God alun non hogoi, tam lai dum doronhohov be tav lai rahuana be sihav nogo tehe.

Hibru 10:34

Gom bului atat binhimwasigi be ram dogo lol vauvauhi. I lol taro be atatu ram mai ram lai dagai nomiu vataha ginau take kimiu gim samsamwara n̄ano, huribe gim iloe huba be nomiu vataha ginau rituai ram dogo be ran tavuha liu, i be rasav van te dagai nin kimiu.

Hibru 10:36

Giv lin̄ maḡemu, bwatuna giv lol hano be God mwa doronia i giv lai havanau be God nu tatauleo be vi laia lalai kimiu.

Hibru 11:13

Atatu kera gea ram binihimwasigi garagusi alun God, take mahavana be ram mate, ram hav lai te dum ginau gea radu gabe God nu tatauleo be vi laia lalainira. Kera ram ḡita ginau kera gea kun gabe ram do hautu radu ninira, take ram samsamwara mulei huri be ramen gitara. I kera ram du ram bev luae lol ute melmelo be, kera ram dogo lol ureure geki take mwa du kun be kera tausala n̄ano, ureure geki mwa hav vora te mwasin tanora.

Hibru 12:24

Giv mai huri Jisas, gabe kea atatu be vi tari mulei Tatauleo gara non God. I kimiu giv mai alun dagan Jisas gea gabe nu lol melmeloi kimiu, gabe mwa bev lua ginau gabe ran tavuha liu, ninia gea be dagan Ebol mwa bev luae.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

Hibru 6:13

Mahavana be God nu tatauleo lalai Ebraham tuai, i bwatuna atatu vwate mulei sigai be amare liu ninia, kea mwa avoi ginau duluai gi ihana n̄an sibona huri be vi lol wasi ihana.

Hibru 6:15

Kunia Ebraham mwa lol non binihiva mwa n̄ava, i la hala gea, kea mwa lai dum ginau be God nu tatauleo huria.

Hibru 7:22

I tatauleo gea be Jisas nu laia nu visirae lalai gida, nu tavuha liu nin ira tatauleo ata tuai.

Hibru 8:13

Batena be God nu avoi tatauleo gara, kea nu lol muan tatauleo mwa maleiga i ginau be ram maleiga sihav n̄ava tehe rav nogonogo.

Hibru 9:12

Kraes nu haroro huba lol vwavwana be Ute Sabuga Liu take nu hav lai te dagan buluki i nani. Take nu lai dagana sibona i nu lai varahuva be mosmosianana nu sigai.

Hibru 9:16

Be atatu vi lol non tatauleo be batena be vi mate non vataha ginau vivora non atat dodolua, nu melmelo mwasigi be atatu gea vi mate amua huria be tatauleo gea vi tu.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

1 Jon 2:25

Nitui nu tatauleo lalai gida huri rahuana vai tuai.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.