Hibru 9:14 - Hano Niu Testamen

¹⁴ Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Hibru 9:14 ပူးပေါင်းရင်းမြစ်များ

Matiu 12:28

Be inau nam hora lua vui hantai gin muramura non Vui Sabuga non God, mwa seserainia be God mwa rihumaragai nin ira non ivwalu be vi vora Ratahigi lavoa ḡorora atatu duluai.

Matiu 16:16

Saemon Pita mwa bwaliua be, “Giḡo haḡea Mesaea, Nitun God varahu.”

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 7:11

Kimiu atat hahantai, take gim ilo halana be gim lai ginau tavtavuha lalai ira nitumiu. Haḡe kunia mulei, Tamamiu lol ute atamare vi lai ginau tavtavuha liu lalai irahei gabe ram hudalinia huria.

Leo Tavuha gabe Luk nu Ravae 1:74

be vi varahu gida nin liman nonda ivwalu, tav siv lol mahuri rovoga lalainia.

Leo Tavuha gabe Luk nu Ravae 12:24

Giv taria alun manun mahava, kera ram hav ririvu tehe sage tam hav lai te ginaganiana vai laimwa, imwara sigai sage tanon nora ginaganiana sigai; take God mwa ban̄anira duluai!

Leo Tavuha gabe Luk nu Ravae 12:28

God haḡea be mwa ḡita ḡoro virangai duluai--virangai gabe ram dogo garigi ta vaigogo mwa bohaiana vai lol gabi. Matu gim hav binihi te be God vi lai gaisaga lalai kimiu? Iratua, nomiu binihimwasigi garagusi kolo maragai!”

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Leo Tavuha gabe Jon nu Ravae 3:34

Wani gabe God nu horae mai, mwa avo alun avoana non God, bwatuna God nu lol bamasirinia gin non Vui Sabuga.

Lalaḡova 1:2

vaivotui gubwen̄i gabe mwa laia vai amare. Amua mwa siv laia vai amare, kea nu lai avoan dura gin muramura non Vui Sabuga lalainira gi non hala.

Lalaḡova 10:38

Nu vano vataha ute duluai mwa lol lalaḡova tavuha, i mwa barahura gabe ram dogo vauhi halaten muramura non Vui hantai, bwatuna God bul maia.

Lalaḡova 14:15

“Hurihano be gim lol ginau kungeki? Kamaru sibomaru atatu vuroi n̄an kun kimiu! Kamaru teti kadogaha huribe garumen seserai Roroi Tavuha, i be rav men lol kimiu be giv taleva nin ginau vurovuroi huri mwasin God, gabe nu tau ute atamare, mai tahi i ureure duluai i ginau duluai gabe mwa du alolona.

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Ravrava non Pol lalai ata Rom 1:20

Ginau rituai huria be atatu rasav gita te dumwia gin matara sibora non muramura mai ira ginau duluai be ram lolia i God. Take nin bwatun tauva huri ureure ginau kerageki mwa iloan maron̄ron̄oi gin hano be God nu lolia. Bwatuna gea, avoana non atatu mulei vwat sigai be rav vevea.

Ravrava non Pol lalai ata Rom 11:12

Vahalana non ira Jius nu lai vatavuha marahi non ureure, i ira Jius ran lai vatavuha marahi lalainira be ira Lolobon̄i. Ureure vi lai vatavuha marahi lol taro be ira Jius ivusi rav mai i lalan̄an atatu be God mwa doronia.

Ravrava non Pol lalai ata Rom 11:24

I kimiu ira Lolobon̄i gin kun rara be mwa daian dagai nin bwatun oliv turu i mwa dari houana mai bwatun gai tavuha. Take maia be ira Jius ran kun rara be ram mauri nin bwatun gai tavuha, ke vi tari houan mulei mai bwatun bilara gai sibora mulei.

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

1 Korin 15:45

Nu ravana lol avoan sabuga be; “Muan atatu, Adam, kea muan atatu be nu lai rahuana, take nogonan Adam kea vui be mwa lai rahuana.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

2 Korin 6:16

Imwan God sihav damei te dum mai nun Vatu, i gida imwan God rahu. God nu vevea be, “Nav togo maira i nav lago maira, Nai vora nora God, i kera rai vora noḡu sinombu.”

Kelesia 2:19

Kea silo haḡea be nu tauau lol mateana, i nan mate lalai silo gea huribe kadogaha nav togo huri God.

Ifisas 2:5

Mwasigi be gida tan mate lol vui, bwatuna be ginau hantai be tan lolia vai alun God, take kea mwa lai rahuan gara lalai gida mai Kraes. Kimiu gim rahu mai hogoi non God.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

1 Tesalonaeka 1:9

Sinombu vataha ute ram bevurinia be gin lai ḡoḡo kamai batena be kamai aia mai kimiu. Ram bevurinia be kun hanigi giv lin̄ ira nunvatu i gim bavora gim lol rovoga huri God rahu i God mwasigi.

1 Timoti 1:17

Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

1 Timoti 3:15

Take be ginau vwate vi vahala batena be nam hav mai te radu, vuvuri gaituvwa be nam ravrava, gim ilo halana be giv togo kun be atatu ata lol imwan God. Imwa gea imwa tataro non God be mwa rahu vai tuai, gaitura i bwatutun mwasigi.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Hibru 10:10

La alen̄an tataroi tuntun gara God mwa lin̄ Jisas Kraes be men mate vatuvwa n̄ano be men lol gida tam melmelo, tam sabuga, kunia be mwa doronia.

Hibru 10:12

Take Kraes mwa lin̄ rahuna be men lai dagai vuron atatu duluai. I alen̄a be mwa lolia be mwa mate vatuvwai mwa lai dagai vuron atatu vai tuai be si hav nogo tehe dumwi. Ataguna mwa dogo mahuri la mwatuan God.

Hibru 10:2

Atatu be ram ḡogonai God la hala geki ran hav melmelo tehe la lolmatan God. Ran vahala radu lol nora bwatigoro. Be ras melmelo tavuhai, mwa hav tu tehe be rav lol tataroi be vi lai dagai vurora.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 11:21

Haḡe bwatuna be Jekob mwa binihimwasigi garagusi alun God, i mahavana be mwa abena be men mate, kea mwa batavuhai ira nitun Josep vatvatahara. Kea mwa dataḡoi gaisigona i mwa du amare mwa dataro lalai God.

Hibru 13:12

Jisas mulei mwa mate avare dagai nin bwatutun vanua. Bwatun ginau geki dagana mwa lol melmeloi atatu nin vurora.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

Hibru 6:1

Huri ginau geki si tavuha maragai be tas van bavtutu la avoana be mwa lol gida tam mituaga huba lol nonda binihimwasigi garagusi. Tasav mom lol te mulei bwatbwatun imwa. Gim ilo ginau kera geki huba. Mwa hav tu tehe be gisav mom lol te mulei alen̄a gea be tamen avoinia be gida tav leahi rahuda nin alen̄a ata tuai be nu salai gida nin God.

Hibru 7:16

Kea mwa hav haḡo te rovoga non lalaḡo huri silo gea be mwa dovon̄ainia be varan ira tataroi. Kea mwa haḡo rovoga non lalaḡo huri muramuran rahuna gea be sihav nogo te dumwi.

Hibru 7:27

Kea nu hav vora te kun ira muai tataroi dodolua be ran wehi sipsip vataha gubwen̄i be vi lol melmeloinira nin vurora amua, i ataguna rav siv wehi sipsip huria be vi lai dagai vuron sinombu dodolua. Hala gabe tataroi dodolua ran lolia kunia, Jisas nu nogoi nona la hal maron̄ron̄o vatuv mamaha n̄ano, mahavana be nu mahin̄ainia be men mate huri be vi lai dagai vuron sinombu.

Hibru 9:12

Kraes nu haroro huba lol vwavwana be Ute Sabuga Liu take nu hav lai te dagan buluki i nani. Take nu lai dagana sibona i nu lai varahuva be mosmosianana nu sigai.

Hibru 9:26

Be sivora kunia Kraes si lin̄ muleinia vaivusi la bwatun tauva vaivotu garigi. Ninia gea nu lin̄ dagana vatuvwa n̄ano batena be ureure mwa abena be men nogo. Kea nu lin̄ dagana vatuvwa n̄ano be nu dadariha be men lai dagai vuron atatu.

Hibru 9:7

Vatuvwa lol taulu muai tataroi sibona mwa haroro alolon vwavwana sabuga gea. Mwa du maragai be kea vi lai daga i mwa ḡaburainia huri vurora i vuron sinombu be ram lol vuro take ram len̄a be vuro.

Hibru 9:9

Nunu vwate be mwa seserai lua ginau ata garigi. Ira hogoi i ira tataroi tuntunu be ram hogoinia lalai God ran hav dadariha tehe be rav lol atatu rav melmelo.

1 Pita 1:19

take mai dagan Kraes, gabe nu vora kun sipsip mwalkeloi.

1 Pita 2:22

“Kea nu hav vuroga te hohoigi, i kea nu hav tentene tehe hohoigi.”

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.