Hibru 9:10 - Hano Niu Testamen

¹⁰ Ira silo gea ram bevea huri ginaganiana i wai mai alen̄an bwagabwaga ginau. Ira silo geki rav tu vaivotu be God vi leahi ginau duluai vi mai gi ginau gara. Take kadogaha Kraes nu mai huba gi muai tataroi huri ginau tavtavuha be vi mai.

Hibru 9:10 ပူးပေါင်းရင်းမြစ်များ

Leo Tavuha gabe Mak nu Ravae 7:4

ram hav gan te havanau gabe mwa mai nin saran volvoligi vaivotu rav bwagae amua. I ram huri silo vagahi dodolua gabe ran laia kunia be laha, susbeni, disi, i bata vi bwagana duluai.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Ifisas 1:10

Nona be vi lol haraharai non taritari duluai, i batena be mwasin tarona mwa mai, be ginau duluai lol mahao i lol ureure rai bulu duluai utegaituvwa lol Kraes kun be bwatu gaituvwa,

Ifisas 2:15

Silo non ira Jius mwa haḡo avoan wasi ivusi mai leo horai, take Kraes mwa lol nogonogoi kaburai silo gea. Bwatuna lalainia huri hano kea mwa lol tatan̄ana gairua ramuru bora sinombu gara gaituvwa alolona i la hala geki mwa lol tamwata.

Kolosi 2:16

Gosav lin̄ te atatu vwate be vi lol silo la halan gangani mai mwinmwinu sage huri gubwen̄ sabuga, gubwen̄ samwaran vula hala botu, sage la Gubwen̄ Mambu.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 13:9

Gisav huri te lalan̄an silo vagahi dodolua be mwa eno dagai nin hal vavtutu. Tav lai silo vagahi alun hogoi non God gabe mwa dabe gida, huria be vi lol wasi gida, take nu hav tavuha tehe be tav togo ba ḡita silo huri ginaganiana be vi lol gida tav wasi huria be ira hei gea be ram huri silo huri gina ganiana mwa hav buluira te n̄an haḡea.

Hibru 2:5

Tam iloe be God nu hav tau te non binihiv dau huri ureure aten muramura non ira enjel.

Hibru 6:2

Mwa hav tu tehe be tav avoi avoanan garuhisabuga mai vatavuhai bwatu. Kimiu gim iloe tomarean mulei i silo vevegi vai tuai lol gubwen̄i be vi mai.

Hibru 6:5

Kera ran habwea huba be avoana non God nu tavuha maragai, i ran ron̄oe huba huri muramuran ureure gara gea be vi visirae n̄an darihou.

Hibru 7:12

I mahavana be lalaḡo gea mwa mwalue nin vara dolua, kunia mwa du be silo mulei gea vi leahi.

Hibru 7:16

Kea mwa hav haḡo te rovoga non lalaḡo huri silo gea be mwa dovon̄ainia be varan ira tataroi. Kea mwa haḡo rovoga non lalaḡo huri muramuran rahuna gea be sihav nogo te dumwi.

Hibru 9:1

Lol muan tatauleo ira silon gogonai i taron gogonai be ginau geki ata lol ureure n̄ano.