Hibru 8:4 - Hano Niu Testamen

⁴ Be kea si togo radu teti lol ureure, kea sihav lai te iha be tataroi, huria be ira tataroi ran tu huba be rav lai tataroi gi tabeana lalai God, kunia gabe silo non Moses mwa bevea.

Hibru 8:4 ပူးပေါင်းရင်းမြစ်များ

Hibru 10:11

Vataha gubwen̄i ira tataroi non ira Jius ram lol nora rovoga be vaivusi ram lol tataroi la alen̄a n̄an gea. Take alen̄a gea sihav lai te dagai vuron atatu.

Hibru 11:4

Ebol mwa dogo mwa binihimwasigi garagusi alun God, i bwatuna a haḡe gea non tabeana vwate be mwa laia lalai God nu tavuha maragai nin non tuana Ken. Haḡe bwatuna gabe Ebol mwa binihimwasigi garagusi alun God, bwatuna haḡe gea God mwa uloi tavuhai ihana be kea atat vavtutu vwate, i mwa samsamwara be vi lai non hogoi. Wani gea Ebol nu mate huba, take huria alen̄an non binihimwasigi garagusi, kea mwa dogo mwa avo lalai gida radu.

Hibru 5:1

Haḡe ira muai Tataroi duluai, sinombu ran gita luae i ram daria be vi lalaḡo lalai God hurira duluai, huri be men hagai udun bilara lalai God gin tataroi huri vurora.

Hibru 7:27

Kea nu hav vora te kun ira muai tataroi dodolua be ran wehi sipsip vataha gubwen̄i be vi lol melmeloinira nin vurora amua, i ataguna rav siv wehi sipsip huria be vi lai dagai vuron sinombu dodolua. Hala gabe tataroi dodolua ran lolia kunia, Jisas nu nogoi nona la hal maron̄ron̄o vatuv mamaha n̄ano, mahavana be nu mahin̄ainia be men mate huri be vi lai dagai vuron sinombu.

Hibru 8:3

Haḡe ira muai tataroi dodolua mulei kera gea, God mwa darira be rav tau ira hogoi lalainia i rav wehi ira ginau rahu ba lol tataroi tuntun be vi lai dagai vuron ira atatu. I la hala n̄an mulei kunia, nonda muai tataroi gea mulei mwa du be vi hagai ginau lalai God.

Hibru 9:9

Nunu vwate be mwa seserai lua ginau ata garigi. Ira hogoi i ira tataroi tuntunu be ram hogoinia lalai God ran hav dadariha tehe be rav lol atatu rav melmelo.