Hibru 7:25 - Hano Niu Testamen

²⁵ Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Hibru 7:25 ပူးပေါင်းရင်းမြစ်များ

Leo Tavuha gabe Jon nu Ravae 14:13

I nav lol havanau tehe gabe gim hudaligi huria lol ihaku, huribe vi lol bisirai sarisarin Tata siviau Nituna.

Leo Tavuha gabe Jon nu Ravae 14:16

Nav hudali Tata, i kea vi lai Turai dolua lalai kimiu, gabe kea vi togo mai kimiu vai tuai.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 5:2

Kea nu lai gida vai alolon hogoi non God be kadogaha tam ron̄ mwandavuha. I tam samsamwara bwatuna be mai nonda doronhohov be tam hara sarisari non God.

Ravrava non Pol lalai ata Rom 8:34

Ihei haḡea vi vev dumwia be atatu non God ram bahala? Atatu vwate sigai, huribe Kraes Jisas nu mate, i ta nu tomare mulei nin mateana, i kadogaha mwa dogo la mwatuan God, i mwa avo lalai God huri gida.

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

Ifisas 3:12

Lol Kraes tam mai la lolmatan God mai binihiv rahurahu i mai mataguana sigai. Tav lol dumwia geki sivi binihimwasigi lol Kraes Jisas.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Filipae 3:21

Gin non muramura be vi rovoi ginau duluai, vi leahi vihogoi i vi lolira kun rebehina sibona be nu sarisari.

1 Timoti 2:5

God gaituvwa n̄an i hala gaituvwa be atatu vi votui God. Hala gea sivi Kraes Jisas, kea sibona atatu.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

Hibru 11:6

Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Hibru 13:15

Tataroi tuntun gea nu vavtutu huribe mwa mwalue nin atatu be ram uloi God be nora Ratahigi.

Hibru 2:18

I kadogaha be kalkaliana i ron̄ gagarasi nu dum Jisas, kea vi bului dum ihei tehe be kalkaliana mwa dumwia.

Hibru 2:9

Havanau be gam ḡita dumwia kea Jisas, huri mahavana vwelvwele kea nu togo hivhivo halaten ira enjel. Gin sine hagavi non God lol non hogoi, Jisas mwa mate huri atatu duluai. I kunia be Jisas nu ron̄ḡagarasi i mwa mate huba, kea mwa lai tanoi haehae mai gai sosorin bwatu!

Hibru 5:7

Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.

Hibru 7:16

Kea mwa hav haḡo te rovoga non lalaḡo huri silo gea be mwa dovon̄ainia be varan ira tataroi. Kea mwa haḡo rovoga non lalaḡo huri muramuran rahuna gea be sihav nogo te dumwi.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.

Hibru 7:24

Take Jisas mwa do rahui, i sihav mate te dumwi. I mulei kea sihav lai te dum non rovoga gea be tataroi lalai atat dolua.

Hibru 7:8

I ira tataroi be ram dogo ram lai tatan̄an gina ganiana kera gea, kera atat vuroi i rav mate dumwi. Take Melkisidek gea be mwa lai tatan̄an gina ganiana gea, kea atatu gabe buka Baebol mwa bevea be, mwa rahu mwa dogo.

Hibru 9:24

Kraes mwa hav haroro tehe lol Ute Sabuga be atatu sibora ran lolia be nunu n̄ano huri raumatan ginau. Take Kraes mwa haroro lol ute atamare sibona i kadogaha mwa du amare lolmatan God be men avo huri gida.

Ravrava nin Jud 1:24

Lalainigo be vi gitaḡorogo be gosav hovi tehe i vi lai lalainigo rahuan melmelo be vahalana sigai mai samwarana lol non sarisari,