Hibru 7:18 - Hano Niu Testamen

¹⁸ Avoana geki mwa lai dagai avoana gea gabe nu togo amua, bwatuna be nu hav muramura tehe, i sihav lol te dum ginau vwate.

Hibru 7:18 ပူးပေါင်းရင်းမြစ်များ

Ravrava non Pol lalai ata Rom 3:31

I ke gida tam lol bwarebware silo be tam huri halan binihimwasigi garagusi? Sigai! Binihi mwasigi mwa lol gida tav lol ginau be Silo mwa doronia.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Kelesia 3:15

Ira tuaku, tan binbinihi lol binihin atatu: Len̄len̄a lol dameana lol davolan atatu gairua nu dadariha. Ataguna be dameana nu loli mai atatu saraḡo gairua, atatu vwate si hav tu te dum ḡoroe sage bulus ginau vwate vai aluna.

Kelesia 3:17

Geki haḡea hano be nam bevea: God nu lol dameana mai Ebraham i nu tatauleo be vi togo wasi aluna. Silo, be nu mai taul vudolua vavasi vena n̄avul gaitolu huba amua, si hav leahi te dum dameana i nu lol kaburai tatauleo non God lalai Ebraham.

Kelesia 3:21

Mandovai gin binihiva be silo mwa hav dara tehe la tatauleo non God? Sigai hohoigi! Kea vi vora mwasigi n̄ano be silo vi lol gida tav vavtutu. Take God nu hav lai te silo be vi lai dum rahuana.

Kelesia 4:21

Tavalumiu ram doron be ramen togo halaten silo radu. Vevea lalaiau, gim ilo hano be silo mwa bevea?

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

1 Timoti 4:8

Huhui rebehimwa be vi buluigo alun hala rituai take gov lalaḡo lalai God vi buluigo la hala duluai. Bwatuna be vi lai vatavuha lalainigo lol rahuana geki i vai lol rahuana vai tuai.

Hibru 13:9

Gisav huri te lalan̄an silo vagahi dodolua be mwa eno dagai nin hal vavtutu. Tav lai silo vagahi alun hogoi non God gabe mwa dabe gida, huria be vi lol wasi gida, take nu hav tavuha tehe be tav togo ba ḡita silo huri ginaganiana be vi lol gida tav wasi huria be ira hei gea be ram huri silo huri gina ganiana mwa hav buluira te n̄an haḡea.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.