Hibru 7:16 - Hano Niu Testamen

¹⁶ Kea mwa hav haḡo te rovoga non lalaḡo huri silo gea be mwa dovon̄ainia be varan ira tataroi. Kea mwa haḡo rovoga non lalaḡo huri muramuran rahuna gea be sihav nogo te dumwi.

Hibru 7:16 ပူးပေါင်းရင်းမြစ်များ

Ravrava non Pol lalai ata Rom 7:14

Gida tam iloe be silo God nu taua, take nam hav sabuga tehe nu tau bwatuna be vuro nu tomuaiau kunia be nan vora non turin rovoga.

Kelesia 4:3

Kunia mulei huri gida. Gida lol taro vwate kun naturirigi, atat vauhi lalai ira silo lete lol ureure geki.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Kolosi 2:14

Mwa lin̄ kaburai vuro, gabe God nu ravae mai ira silo vevegi duluai huria i mwa lol nogonogoinia lol taro be mwa boha bolvoloana la volovolo.

Kolosi 2:20

Lol taro be gon mate mai Kraes i mwa lai luago nin ira Vui hantai ata lol ureure, huri hano haḡea gom lolia kun gabe gam dogo lalai ureure radu be gom huri ira silo kungeki.

Hibru 10:1

Silo be God nu laia lalai Moses, kea vorate nun tavuha huri mwasin ginau be ram dogo, i ran hav melmelo te tavuha kun mwasin ginau mwasigi be rav mai. God vataha taulu ira tataroi ram lol tataroi la hala gaituvwa n̄ano be rav lai lua vuron atatu. Take la hala geki silo geki si hav lol te dum atatu be ram mai aben God be rai vavtutu.

Hibru 7:15

I kadogaha avoana gea mwa melmelo liu, huria be lalaḡo vwate be nu haḡo alen̄an Melkisidek.

Hibru 7:17

Bwatuna be lol buka Baebol mwa bevea be, “Giḡo tataroi kun tataroi gea Melkisidek vai tuai.”

Hibru 7:21

Take Jisas nu mai gi tataroi, huri avoana gea be God nu lolia nu mai gi tataroi, huri avoana gea be God nu lolia nu lolia nu wasi huba gabe buka Baebol mwa bevea be, “God nu lol non tatauleo wasi huba, kea sihav leahi te dum non binihiva. ‘Giḡo gov haḡo rovoga non tataroi vataha mahavana, mosmosianana vi sigai.’ ”

Hibru 7:28

Silo non Moses nu tari atatu lol taro gea ram bora muai tataroi, i be kera sibora nora muramura sigai i ram buroga dumwi. Take avoana non God gea be mwa mai atagun silo, i be God mwa bev ihana huri be vi lol wasinia, avoana gea mwa dari nitun God gea, gabe God nu lol bavtutui tavuhainia huba, be vi togo kunia vai tuai mosmosianana vi sigai.

Hibru 7:3

Avoana vwate mwa hav ravana tehe huri tamana mai ratahina, sage tuagana sage sibina, sage be nu vora aia, sage ute be nu mate aia. Kea kun nitun God, i nu togo lol tanon tataroi ḡaoḡao mosmosianana sigai.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.