Hibru 6:2 - Hano Niu Testamen

² Mwa hav tu tehe be tav avoi avoanan garuhisabuga mai vatavuhai bwatu. Kimiu gim iloe tomarean mulei i silo vevegi vai tuai lol gubwen̄i be vi mai.

Hibru 6:2 ပူးပေါင်းရင်းမြစ်များ

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Matiu 3:14

Haḡe Jon mwa lol ron̄oe be Jisas vi leahi binihina, i mwa bevea be, “Mwa du be giḡo gov garuhisabugaiau. Take gom mai vai abeku.”

Leo Tavuha gabe Mak nu Ravae 16:16

Ihei tehe mwa binihimwasigi i mwa ḡaruhisabuga vi rahu; ihei mwa hav binihi te mwasigi vi vevegia huria.

Leo Tavuha gabe Mak nu Ravae 7:4

ram hav gan te havanau gabe mwa mai nin saran volvoligi vaivotu rav bwagae amua. I ram huri silo vagahi dodolua gabe ran laia kunia be laha, susbeni, disi, i bata vi bwagana duluai.

Leo Tavuha gabe Mak nu Ravae 7:8

“Gim dau dagai Leo horai non God, i gim dabe silo vagahi non atatu.”

Leo Tavuha gabe Luk nu Ravae 11:38

Varise mwa dan̄an̄a huri mwa ḡitae be mwa hav bwagabwaga tehe te amua huri ginaganiana.

Leo Tavuha gabe Luk nu Ravae 12:50

Nam haḡo silon garuhisabuga vwate be nav garuhisabuga aluna, mwa ḡaras maragaiau tagaro vaivotu vi visirai i vi nogo.

Leo Tavuha gabe Luk nu Ravae 14:14

I kunia vi vatavuhanigo huria bwatuna be kera uhu rasav ḡele te dum mulei ginaganiana gabe gon van̄anira ginia. Take God sibona vi ḡelea lalainigo lol mahavana be ira vavtutu rav tomare mulei nin mateana.”

Leo Tavuha gabe Luk nu Ravae 3:16

Haḡe Jon mwa bevea lalainira duluai be, “Inau nam garuhisabuga kimiu gin wai, take atatu vwate mwa mai kea lavoa liuau. Inau siboku nam hav dadariha tehe be nav tugu gaon non sus. Wani gea vi garuhisabugai kimiu gin Vui Sabuga i gabi.

Leo Tavuha gabe Jon nu Ravae 1:33

Nam hav iloe te radu be kea haḡea, take God gabe nu horau be nav garuhisabuga gin wai nu vevea lalaiau be, ‘Gov gita wani gabe Vui vi himai aluna; kea haḡea wani gabe vi garuhisabuga gin Vui Sabuga.’ ”

Leo Tavuha gabe Jon nu Ravae 5:29

I rav mwalue nin bwarura. Kera gabe ran lalaḡo tavuha rav tomare mulei i rav rahu, ta kera gabe ran lalaḡo hantai, rav tomare mulei i rav lai silo vevegi.”

Lalaḡova 10:47

“Sinombu kera geki ram lai Vui Sabuga, kunia n̄an be kamai gan laia. Matu atatu te abena be rav tuḡorora be rasav lai te garuhisabuga gin wai?”

Lalaḡova 13:3

Haḡe ram dataro, ram dau limara alura i ram hora luara.

Lalaḡova 16:15

I ataguna be kea mai sinombu duluai ata la imwana ram lai garuhisabuga, kea mwa ware kamai mwa bevea be, “Gin mai ba dogo alolon imwaḡu be gim binihia be inau atat binihimwasigi alun Ratahigi.” I kea mwa ḡaroinia alumai mwa lolia gam haroro lol imwana.

Lalaḡova 16:33

Haḡe lol bon̄i n̄an gea matmatai ḡoro huri imwa vauvauhi gea mwa laira mwa bwaga bagaha halan gai vivilisi lol rebehira; i kea maira ata la imwana duluai ram lai garuhisabuga darihou.

Lalaḡova 17:18

Haḡe ata Kris rituai ram dogo gabe ran mataisaoga maragai la halan alen̄an nora avoana. I kera n̄an radu gea ram dogo ram biavo avo maia. Kera rituai ram bevea be, “Wani gea mwa siv lai avoana gea n̄an bonogai kunia. Mwa do mwa bev hano gea?” I atatu mulei rituai ram bevea be, “Kamai gam ron̄oe be kea mwa do mwa avo huri ira tagaro ata lol ute dodolua.” Ram do ram avo bwatuna be Pol mwa do mwa bev seserai Jisas i mwa bevea be God mwa lolia mwa rahu mulei atagun mateanana.

Lalaḡova 2:38

Haḡe Pita mwa bwaliura mwa bevea lalainira be, “Vatvataha atatu nin kimiu duluai vi vinihi leahi nin vurona duluai i vi lai garuhisabuga lol ihan Jisas Kraes Wani Vurai, huri be vuromiu duluai vi binihi kaburaiana, i giv lai hogoi non God, Vui Sabuga.

Lalaḡova 2:41

I kera ivusi ram binihimwasigi avoana geki i ram lai garuhisabuga, kera duluai kun vasan̄vul vatolu mwa lai ḡoḡora ute gaituvwa lol gubwen̄i gea.

Lalaḡova 23:6

Pol mwa ḡitae be atatu rituai lol sinombu gea kera Sadusi i tavalura kera Varise, haḡe mwa av lua lol nora Kansel mwa bevea be, “Ira ata Israel! Inau Varise, bwatuna inau nitun Varise vwate. I inau lol silo vevegi teti kadogaha bwatuna, noḡu doronhohov be nai vevea, sage nam bevea be mateana vi tomare huri rahuana.”

Lalaḡova 24:15

Nam dau noḡu doronhohov alun God be nav gita ginau n̄an haḡe gea be kera ram binihia. Geki ginau haḡea be God vi lolia be vi lol atatu duluai rav rahu ira hantai mai ira tavuha.

Lalaḡova 24:21

Liu haḡe huri ginau gaituvwa be nan av lua mahavana be nau tu lol matara: garigi giḡo gom lol ron̄oau bwatuna be nam binihimwasigi be atatu vi mate ta vi rahu mulei.”

Lalaḡova 24:25

Take mahavana be Pol mwa bev rahurahuinia, mwa avo alun haltavuha, i halan tomuai, i gubwen̄in maiana huri vevegi, kunia Vilikis mwa matagu mwa bevea be, “Nu tavuha be gov mwalue haḡea kadogaha. I nav siv uloi te muleinigo be vi dumwi.”

Lalaḡova 26:8

Huri hano kimiu be gim dogo teti kadogaha gim hav binihi te mwasigi be God nu lol domarei atatu mwa rahu nin mateana?”

Lalaḡova 4:2

Kera geki nora binihiva mwa biaroi maragai bwatuna be ira hala gairua ramuru bagahi sinombu ramuru bevea be Jisas nu tomare nin mateana, i mwa eno gi mwasigi, be Jisas nu tomare mulei i mwa rahu.

Lalaḡova 6:6

Haḡe kera gaibitu geki ram lai vatavuha nin ira hala i ram dataro ram dau limara alura i ram batavuhainira.

Ravrava non Pol lalai ata Rom 2:16

Ginau n̄oto kerageki rav loli lol gubwen̄i be God, sivi Jisas Kraes, vi vevegi binihiv dahuligi non atatu. Roroi Tavuha gabe nam doretore huria mwa bev ginau kerageki.

1 Korin 10:2

Ran garuhisabuga n̄oto kun gabe atat non Moses lol dodo i lol tahi.

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

2 Korin 5:10

Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

Filipae 3:21

Gin non muramura be vi rovoi ginau duluai, vi leahi vihogoi i vi lolira kun rebehina sibona be nu sarisari.

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

2 Timoti 2:18

Ran derai mwasin avoan vagahi, ram bevea be tomarean mulei nin mateana nu lai tanona huba, i ram lol kaburai binihimwasigi garagusi non sinombu rituai.

Hibru 11:35

I bwatuna be vavine rituai ram binihimwasigi garagusi alun God, bwatuna gea God mwa lol barahu mulei nitura be ram mate huba. Take atatu rituai ram barihai didi maribwesi, i ram lin̄ nora ivwalu ram lol ḡagarasira maragai lol rebehira, ram mate lol rahuan tavuha.

Hibru 9:10

Ira silo gea ram bevea huri ginaganiana i wai mai alen̄an bwagabwaga ginau. Ira silo geki rav tu vaivotu be God vi leahi ginau duluai vi mai gi ginau gara. Take kadogaha Kraes nu mai huba gi muai tataroi huri ginau tavtavuha be vi mai.

2 Pita 3:7

Take God mwa lol dautau ute atamare mai ureure be rav togo radu vaivotu gubwen̄in vevegi vi mai. Vuri vi taura lol gabi i vi lol kaburai atat vuroga duluai.