Hibru 6:1 - Hano Niu Testamen

¹ Huri ginau geki si tavuha maragai be tas van bavtutu la avoana be mwa lol gida tam mituaga huba lol nonda binihimwasigi garagusi. Tasav mom lol te mulei bwatbwatun imwa. Gim ilo ginau kera geki huba. Mwa hav tu tehe be gisav mom lol te mulei alen̄a gea be tamen avoinia be gida tav leahi rahuda nin alen̄a ata tuai be nu salai gida nin God.

Hibru 6:1 ပူးပေါင်းရင်းမြစ်များ

Matiu 21:29

Haḡe nituna mwa bwaliua be, ‘Nam barihai.’ Itake ataguna mwa leahi binihina, i mwa bano.

Matiu 21:32

Bwatuna Jon Garuhisabuga nu mai mwa bagahi kimiu gin matanhala tavuha be giv huria, itake gim hav binihi te mwasiginia. Ta ira harahara homu maira vavin rovrovoi homu kera ram binihimwasiginia. Kimiu gin gitae, take gim hav binihi te dori huria, be gimen binihimwasiginia.”

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

Matiu 4:17

Haḡe Jisas mwa dau bwatuna mwa bev lua non avoana, mwa bevea be, “Kimiu duluai giv binihi leahi nin vuromiu, bwatuna be mahavana mwa abena be Ute Lavoa atamare mwa sosori.”

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Matiu 7:25

Ataguna uhe mwa uhe, wai ram rovo, lan̄i mwa here gaivua vai alun imwa gea. Itake imwa mwa hav hovi tehe, bwatuna be wani gea nu lol bwatbwatun imwana alun vatu tu.

Leo Tavuha gabe Mak nu Ravae 1:1

Geki Roroi tavuha huri Jisas Kraes, wani vurai gabe Nitun God.

Leo Tavuha gabe Mak nu Ravae 6:12

Kera ram mwalue, ram doretore be sinombu rav binihi leahi nin vurora.

Leo Tavuha gabe Luk nu Ravae 6:48

Kea nu ḡun atatu gabe mwa haḡo imwa. Nu gel lulu roro i mwa dari bwatbwatuna alun vatu. Haḡe wai mwa rovo mwa malivwa i mwa rovo alun imwa gea; take mwa hav rihu te dumwi bwatuna be nu haḡoan tavuha.

Leo Tavuha gabe Jon nu Ravae 12:44

Jisas mwa bevea gin silo gaivua be, “Ihei tehe mwa binihimwasigiau mwa hav vinihi te mwasigiau n̄an, take mulei alun wani gabe nu horau.

Leo Tavuha gabe Jon nu Ravae 14:1

Jisas mwa bevea lalainira be, “Gisav binbinihi te lavoai. Giv binihimwasigi alun God i giv binihimwasigi mulei aluku.

Leo Tavuha gabe Jon nu Ravae 5:24

“Nam bev mwasigi lalai kimiu be, ihei tehe be mwa ron̄ noḡu avoana, i mwa binihimwasigi wani be nu horau, wani gea vi haḡo rahuana vai tuai.

Lalaḡova 11:18

Haḡe mahavana be ram ron̄oe kunia, ram hav mom avte hantai vai aluna, take ram uloi roron God ram bevea be, “I mulei be God mwa lai mahavana lalai ira Lolobon̄i tanon binihi leahi i rahuana.”

Lalaḡova 17:30

God nu ate ḡalau lalaḡova lete non sinombu mahavana be ran hav iloe te radu, take kadogaha mwa lol gida duluai la ureure be tav taleva nin nonda lalaḡova hantai.

Lalaḡova 2:38

Haḡe Pita mwa bwaliura mwa bevea lalainira be, “Vatvataha atatu nin kimiu duluai vi vinihi leahi nin vurona duluai i vi lai garuhisabuga lol ihan Jisas Kraes Wani Vurai, huri be vuromiu duluai vi binihi kaburaiana, i giv lai hogoi non God, Vui Sabuga.

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Lalaḡova 26:20

Muana Damaskas mai Jerusalem i la vanua Judia duluai mai ira Lolobon̄i, nan toretore be rav binihi leahi nin vurora i rav tabagilu huri God i rav lol ginau be vi gigilainia be rav vinihi leahi.

Lalaḡova 3:19

Nu vevea be giv binihi leahi i giv tabagilu huri God, huri be vi binihi kaburai vuromiu. Be giv lolia kunia,

1 Korin 13:10

Take lol taro be mwasin mwasigi vi mai, ginau be ram hav haraharai tehe rav nogo.

1 Korin 2:6

Gaituvwa n̄an be nam avo lalainira gabe ram ilo halan ginau huba. Take mataisao geki nu hav vora te ata lol ureure geki, sage nin ira tomuai ata lol ureure geki gabe ran salai nora muramura huba.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

2 Korin 7:10

Lalan̄an ron̄ mwahantai be God mwa doron be vi lol sinombu rav leahi irubwira i rahura. Geki vi tomuainira huri rahuana, i mwa du be gisav ron̄ te mwahantai huria. Take lalaiau ron̄ mwahantai kea be ureure mwa lai mateana.

Ifisas 2:1

Tuai huba kimiu gin mate lol Vui bwatuna be vuromiu i ginau be gin lolia vai alun God.

Ifisas 2:5

Mwasigi be gida tan mate lol vui, bwatuna be ginau hantai be tan lolia vai alun God, take kea mwa lai rahuan gara lalai gida mai Kraes. Kimiu gim rahu mai hogoi non God.

Ifisas 4:12

Kraes nu lai hogoi kera gea be men lol vatuvwai ira sinombu sabuga non God huri rovogan lalaḡova, be men lol vamuramurai rebehin Kraes.

Kolosi 1:28

I tav tu rahurahu be tav toretore huri Kraes lalai atat gaitutuvwai, tav haḡo mataisao duluai be tai vev dau i tav vagahi atatu duluai, la hala be tav lai gaitutuvwainira vai aben God kun gabe atat mituaga lol Kraes.

Kolosi 3:14

Gov lol ginau n̄oto kerageki; take liu n̄ano be, gov tabe tuamwa. Lolotabetabe haḡea havanau be mwa haḡo bul kimiu duluai lol tamwata.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Timoti 6:19

Rav lolia kunia, rav lol ḡoḡo mwasin roso hurira sibora gi bwatbwatun ara vatu vainon̄oiha. Vuvuri rav haḡo dum rahuana be mwasin rahuana.

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

Hibru 11:6

Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Hibru 12:13

Nomiu lagoana vi vavtutu n̄ano la hala be nu tavuha. I be sivora bwalagemiu be si hantai, kun be bwau mwa ban burigai, ta kea vi tavuha n̄an mulei dumwi.

Hibru 7:11

God mwa lai non silo lalai ata Israel huria be varan lalaḡo be mwa mwalue nin varan Livae mwa du huba be men lalaḡo hurin alen̄ana. Take ira tataroi kera gea ran hav dadariha tehe be rav lol atatu rav vavtutu lolmatan God. Haḡe bwatuna be ira tataroi kera gea ran hav dadariha tehe, mwa du be lalaḡo vwate vi mom mai be nu hav ḡun te Eron n̄ano, take kun Melkisidek.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Jemes 1:4

Lol taro be atatu ram lol gita rahumwa gov seserai ron̄ mwan̄ava. Vuvuri gov vavtutu tavuha i vi haraharai i gov haḡo ginau duluai be gom doronia.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.