Hibru 5:7 - Hano Niu Testamen

⁷ Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.

Hibru 5:7 ပူးပေါင်းရင်းမြစ်များ

Matiu 27:46

Haḡe kun alo gaitolu Jisas mwa haharigi amare, mwa bevea be, “Eli, Eli, lama sabaktani?” binihiva be, “Noḡu God, noḡu God, huri hano gom do dagara niniau?”

Matiu 27:50

Haḡe Jisas mwa haharigi mulei amare gin silo gaivua, vuvuri mwa maruruhi.

Leo Tavuha gabe Mak nu Ravae 15:34

Haḡe kun alo gaitolu Jisas mwa haharigi amare mwa bevea be, “Eli, Eli, Lama Sabaktani?” binihiva be, “Noḡu God, noḡu God, huri hano gom lin̄iau nam du kunia?”

Leo Tavuha gabe Mak nu Ravae 15:37

Haḡe Jisas mwa haharigi amare gin silo gaivua vuvuri mwa mwaruruhi.

Leo Tavuha gabe Luk nu Ravae 23:46

Jisas mwa haharigi amare gin silo gaivua mwa bevea be, “Tata! Nam lin̄ atmateku lol limwamwa!” Jisas mwa bev vuvuria kun geki, mwa mate.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 11:35

Jisas mwa dei.

Leo Tavuha gabe Jon nu Ravae 11:42

Nam iloe be giḡo vataha mahavana gom roron̄taiau, take nam bevea kungeki bwatuna sinombu kerageki, huribe rav binihimwasigi be giḡo gon horau.”

Leo Tavuha gabe Jon nu Ravae 17:1

Mahavana be Jisas mwa bev vuvuri ginau geki, mwa ḡarere vai amare mwa bevea be, “Tata, tarona mwa mai. Gov lol roroaiau inau Nitumwa, huribe inau Nitumwa nav lol roroainigo.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Hibru 10:10

La alen̄an tataroi tuntun gara God mwa lin̄ Jisas Kraes be men mate vatuvwa n̄ano be men lol gida tam melmelo, tam sabuga, kunia be mwa doronia.

Hibru 10:5

Bwatuna ginau kerageki, amua Kraes mwa lol vatuvwai be vi mai lol ureure, mwa bevea lalai God be, “Gom barihai be atatu rav lol hogoi i tataroi tuntun, take gom lol vatuvwai rebehiku vwate huba.

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 12:28

Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

1 Jon 4:3

Be atatu si vevea be Jisas nu hav vora te gi atatu, kea gin binihiva vui alolon gea mwa hav mai tehe nin God. Vui gea mwa mai nin ivwalu non Kraes. Gim iloe be ivwalu geki vi mai vai lol ureure, i kea teti kadogaha.

2 Jon 1:7

Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.