Hibru 5:2 - Hano Niu Testamen

² Nonda Muai Tataroi kea nu mandamanda. Bwatuna gea, kea nu maron̄ron̄o lalainira be ram bahala.

Hibru 5:2 ပူးပေါင်းရင်းမြစ်များ

Leo Tavuha gabe Luk nu Ravae 22:32

Take nam dataro hurigo Saimon, be nom binihimwasigi garagusi si hav hovi tehe. I batena be gom dabagilu mulei huriau, gov tura wasi ira tuamiu.”

2 Korin 11:30

Be mwa du be nav av sasagerega, nav av ravravwega huri ginau be mwa seserainia be inau nam mandamanda.

2 Korin 12:5

Nu av sasagerega huri atatu be kunia, take nasav av te sasagerega huriau siboku, huri noḡu mandamanda n̄ano.

Kelesia 4:13

Gin vinihi dumwia be ron̄ mwahantai be nan mai abemiu muana, nan toretore huri Roroi Tavuha.

Ifisas 4:18

Ram hav ilo te batoia, i ram hav ilo te havanau, bwatuna be ram hav doron tehe didi roron̄tai, i kera rasav lai te dum rahuana be God nu laia.

1 Timoti 1:13

Lol taro nu ḡao huba inau nan avo vai alun Kraes i nan wehi bonogainia i nan lol lalan̄an ginau be nav lol ḡagarasia. Take God nu seserai lalaiau sine hagavi bwatuna be nan hav ilo te havanau be nan lolia. Nan hav binihi te mwasigi.

Hibru 12:13

Nomiu lagoana vi vavtutu n̄ano la hala be nu tavuha. I be sivora bwalagemiu be si hantai, kun be bwau mwa ban burigai, ta kea vi tavuha n̄an mulei dumwi.

Hibru 2:17

Kea vivora gida vwate huria be vi lol rovoga lalai God kun gabe nonda muai tataroi rahurahu i mwa dataroi ginia sibona huri tugu kaburai nonda bwatigoro.

Hibru 2:18

I kadogaha be kalkaliana i ron̄ gagarasi nu dum Jisas, kea vi bului dum ihei tehe be kalkaliana mwa dumwia.

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Hibru 7:28

Silo non Moses nu tari atatu lol taro gea ram bora muai tataroi, i be kera sibora nora muramura sigai i ram buroga dumwi. Take avoana non God gea be mwa mai atagun silo, i be God mwa bev ihana huri be vi lol wasinia, avoana gea mwa dari nitun God gea, gabe God nu lol bavtutui tavuhainia huba, be vi togo kunia vai tuai mosmosianana vi sigai.

Hibru 9:7

Vatuvwa lol taulu muai tataroi sibona mwa haroro alolon vwavwana sabuga gea. Mwa du maragai be kea vi lai daga i mwa ḡaburainia huri vurora i vuron sinombu be ram lol vuro take ram len̄a be vuro.

Jemes 5:19

Ira tuaku duluai, be tuamiu vwate mwa ban dagai nin avoan mwasigi, vwate alolomiu vi bului wani gea be vi tabagilu mulei, atatu gea mwa lol rovoga tavuha geki. Atatu mwa bilohi binihin atat lete mwa dabagilu mulei la hal vavtutu mulei,

1 Pita 2:25

Kimiu gin kun sipsip be mwa la dadaligi, take kadogaha gin mai mulei vai aben radaiḡoro huri sipsip be kea haḡea atatu be mwa gitaḡoro huri rahumiu.