Hibru 4:9 - Hano Niu Testamen

⁹ Take mwa hav vora te kunia. Haḡe bwatuna gea, tarona radu huri sinombu non God be rav haroro huri mambuana la hala n̄an gea be God nu lolia amua, gabe nu mambu harainia la gubwen̄ gaibituna.

Hibru 4:9 ပူးပေါင်းရင်းမြစ်များ

Matiu 1:21

Mere vi haḡo nituna atamwani. Gov huri ihana gi Jisas, bwatuna be kea vi varahu non sinombu nin vurora.”

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 11:25

Kea mwa hav doron tehe be vi ron̄ mwandavuha lol alen̄an vuro be huri taro kolo n̄ano. Take ke mwa ron̄ mwandavuha be vi bulu mai ira atat non God ba ron̄ mwahantai maira.

Hibru 3:11

Inau nam lol horo i nam av garagara gin tatauleo wasi be, kera gea rasav haroro te dum bul maiau lol tanon mambuharai!”

Hibru 4:1

God nu taua huba lalai gida be tav lai dum mambuana gea be nu tatauleo huba huria lalai gida. Gida atatun God tav gitae be vwate aloloda sihav vahal te tarona be vi haroro lol mambuana non God.

Hibru 4:10

Bwatuna be ira hei tehe be rav haroro huri mabuana aben God, rav mambu harainira dum nin nora rovoga, la hala n̄an haḡe gea be God nu mambuharainia gin non rovoga la bwativuna.

Hibru 4:3

Gida gabe tam binihimwasigi, gida haḡea tav lai dum mambuana be God nu tatauleo huria. Kunia gabe kea nu vevea be, Inau nan lolhoro i nan lol noḡu tatauleo ḡaragara be: “Atatu kera gea rasav haroro te dum huri mabuana bul maia gubwen̄ vwate! ‘God nu vevea kungeki lol mahavan taro be nu harai rovogan ureure.’ ”

Hibru 4:8

Tam iloe be Josua nu hav tomuai te atatu vai lol mambuana huribe God mwa avo mulei huri gubwen̄ dolua.

1 Pita 2:10

Tuai kimiu gin hav vorate atatu, take kadogaha kimiu haḡea atat non God. Tuai kimiu gin hav lai te sine hagavi, take kadogaha gim lai sine hagavi non God.

Visirai 14:13

Haḡe nam ron̄ silo mwa himai nin amare mwa bevea be, “Gov ravae geki be: Samwarana lalai ira hei gabe mwa dau bwatuna kadogaha rav mate alolon rovoga non God!” Vui mwa bevea be, “Uwe mwasigi! Ram mambuharainira nin nora rovoga hahavwani, bwatuna be vwain nora rovoga hahavwani vi vano bul maira.”

Visirai 21:4

Haḡe God vi man̄ kaburai hun matara duluai nin matara, i mateana mulei sigai, i lolovono mulei sigai, sa deiana, sa gagarasi vainon̄oiha, bwatuna ginau ata amua ram ban dagai kaburai vai tuai.”