Hibru 4:12 - Hano Niu Testamen

¹² Avoana non God ginau rahu, i mwa lol rovoga, kun gabe bua mamagani, take liu nin buan bwaloana gabe mata daldali. I vi van sivigi dum lol ute be binihin atatu mai rahuna mwa bulu aia, kun gabe buan bwaloana mwa ban sivigi lol ute bulbulun hui alolon wain hui. Avoana non God vi lol bavtutui dum ginau n̄oto lol binihin atatu i ginau be atatu mwa doronia.

Hibru 4:12 ပူးပေါင်းရင်းမြစ်များ

Leo Tavuha gabe Luk nu Ravae 8:11

“Geki binihiva huri avoan dalogai: Biri haḡea avoana non God.

Leo Tavuha gabe Jon nu Ravae 12:48

Ihei tehe mwa bev dagarau, i mwa hav lai te ḡoḡo noḡu avoana, atatu vwate abena gabe vi vevegia. Avoana duluai gabe nan vevera rai vevegia lol nogonan gubwen̄!

Leo Tavuha gabe Jon nu Ravae 6:51

Inau haḡea bereti rahu gabe mwa himai nin lol ute atamare. Be ihei tehe be mwa ḡan bereti geki kea vi rahu vai tuai. Bereti gabe nav laia lalainia gabe vigohoku, gabe nam laia be ureure vi rahu ginia.”

Lalaḡova 2:37

Mahavana be sinombu ram ron̄ avoana geki nora binihiva mwa lalan̄aga maragai ram bevea lalai Pita mai ira hala rituai, ram bevea be, “Ira tua tav lol hano?”

Lalaḡova 4:31

Haḡe mahavana be ram dataro vuvuri ute be ram ḡoḡo aia mwa rihu. Kera duluai ram masiri gin Vui Sabuga i ram dau bwatuna ram seserai lua avoana non God gin muramura.

Lalaḡova 5:33

Haḡe mahavana be kera ata alolon Kansel ram ron̄ avoana geki, lolora mwa horo maragai, ram ron̄oe kun be rai vevegi ira hala huri mateana.

Lalaḡova 7:38

Atatu gea kea haḡea gabe nu togo bulbulu mai sinombu ira Jius lol vanua vuroi, kea bul mai ira sibida aia i mai enjel gabe nu avo maia la vusi Saenae, i nu lai avoan rahu non God be vi ḡao aluda kadogaha.”

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

Ifisas 5:13

Take gigita mwa lol ginau duluai mwa maron̄ron̄o be men gitana,

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Ifisas 6:17

Gov damei varahuva non God kun gabe gaisagan bwatumwa, i gov lai gaisarin Vui Sabuga gabe avoana non God.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

Hibru 13:7

Giv vinihi dum nomiu ira tomuai, gabe ran vev avoana non God lalai kimiu. Giv binbinihi mulei alun rahura be ran togo ram lalaḡo i halan mateanara kun hanigi. I giv huri malelera la halan nora binihimwasigi garagusi.

Hibru 6:5

Kera ran habwea huba be avoana non God nu tavuha maragai, i ran ron̄oe huba huri muramuran ureure gara gea be vi visirae n̄an darihou.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

Visirai 1:16

Kea mwa haḡo visiu gaibitu lol bwabwaran̄ona gin mwatuana, i buan bwaloana mata daldali mwa mwalue nin bwan̄ona. Lolmatana nu gigita kun alo ata la abobon alo.

Visirai 19:15

I buan bwaloana mamagani la bwan̄ona mwa ban dotomua be vi bwalo mai varan sinombu. Kea vi tomuainira gin bwata be mwa loliana gin aean, i vi seserai lolhoro wasi non God muramuraga be vi varahi kaburai vwain gaon taligaon waen vai lol lulroro gaivua aia be ran lol hun gaon taligaon waen aia.

Visirai 19:21

Take atatun bwaloana duluai ram bwalo alun buan bwaloana mamagani be mwa du la bwan̄ona be mwa rovo la hos. Buan bwaloana gea mwa wehi bamat ira atatun bwaloana. I ira manu ram ḡan kaburai ginau duluai ata la rebehira.

Visirai 2:16

Giv van burigai nin vuromiu duluai! Be gisav vinihi te leahi, sihav n̄ava tehe, nai mai mulei huri kimiu i nai bwalo mai sinombu kera gea gin buan bwaloana gabe mwa mwalue nin lolvwaku.”

Visirai 2:23

Inau nai wehi non virangai mulei, i kunia uloilua duluai vi iloe be inau haḡea be nam ilo binihin atatu duluai mai nora doroniva. Nav lai tavwe lalai gaitutuvwai i vatvataha kimiu hurin hava lalaḡova be kea nu lolia.”

Visirai 20:4

I nan gita ira tanon togotogon ratahigi, i alun tanon togotogon ratahigi gea kera gabe nu tarira gi ira harahara. I nan gita vuin sinombu gabe ran wehira huribe ran toretore huri roroi non God. Kera geki haḡea atatu gabe ran hav gogonai te ginau rahu mai nun vatu, i ran hav mahin̄a tehe be vi tauana na nora dovon̄a non ginau rahu sage ginau rahu alun limara, sage alun rera. Kera geki rav rahu, i rav tomua mai Kraes huri taul vasan̄vulu.