Hibru 4:11 - Hano Niu Testamen

¹¹ Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

Hibru 4:11 ပူးပေါင်းရင်းမြစ်များ

Matiu 11:12

La mahavana be Jon Garuhisabuga nu vavora mwa doretore vai votu garigi be Ute Lavoa atamare, mwa habwe taro ririhai gin ginau hahantai, i atat muramura kera geki ram lol ron̄oe be rav lai luara be rai vora nora atatu.

Matiu 7:13

“Giv dalin̄oro alolon matgatava ḡuḡusi. Huri be matgatava gaivua i hala nu maron̄ron̄o, kea huri tanon gagarasi. Atatu ivusi maragai ram huri hala geki.

Leo Tavuha gabe Luk nu Ravae 13:24

“Giv lol ron̄oe be giv haroro lol gatava ḡuḡusi, bwatuna be sinombu ivusi, nam bevea lalai kimiu, rav lol ron̄oe be rav haroro take rasav haroro te dum.

Leo Tavuha gabe Luk nu Ravae 16:16

“Silo non Moses mai ravrava duluai non ira atatun vevsera nu huriana vaivotu gubwen̄in Jon Garuhisabuga; atagun gea Roroi Tavuha huri Rahuan Gara gabe God mwa Ratahigi ḡoro non sinombu alolona, i sinombu ram lol ron̄ maragainia be rav haroro alolona.

Leo Tavuha gabe Jon nu Ravae 6:27

Gisav lalaḡo tehe huri ginaganiana be vi hantai dumwi ta giv lalaḡo huri ginaganiana gabe vi togo huri rahuana vai tuai. Geki haḡea ginaganiana gabe inau Nitun Atatu nav laia lalai kimiu, bwatuna God Tata nu tau dovon̄an non roron̄o aluku huba.”

Lalaḡova 26:19

“Haḡe kunia, Ratahigi Lavoa Akiriba, inau nan hav daha te hueri gabe nu mai lalaiau nin amare.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

Filipae 2:12

Ira tabetabe, kun vataha mahavana gim roron̄taiau batena be nam dogo mai kimiu, vi tavuha maragai be giv roron̄taiau batena nam hav togo te mai kimiu. Giv lol rovoga ḡaoḡao gin binihi marahi mai huiruru be giv lai dum rahuana,

Kolosi 3:6

Ginau kerageki mwa lol God mwa lolhoro. I vi hovi alura be ram hav ron̄oe tehe.

Taetas 1:16

Ram bevea be ram ilo God, take nora lalaḡova mwa dovon̄ainia be ram hav lai te ḡoḡoe. Kera ram barihai atatu, ram hav roron̄tai tehe, ira atat hahantai huri be rav lol te havanau be nu tavuha.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

Hibru 3:18

Ira hei gea be God nu lol non avoana wasi lalainira mwa bevea be, “Kera gea rasav haroro te dumwi vai lol tanon mambuharai abeku.” Geki kera n̄an haḡea gea be ram domare ram ban burigainia.

Hibru 4:6

Kera gabe rav ron̄oe huri Roroi Tavuha muana, ran hav lai te dum mambuana bwatuna be ran hav vinihi te mwasigi. Take atatu rituai mulei abena be ram lai dum mambuana mai God.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

2 Pita 2:6

I mulei God nu lol bwarebware ira bwatun vanua hantai Sodom i Komora, Ginia be nu tunura vaivotu be ran bebega. Nu lol ira bwatun vanua kera geki ram bora malele huri havanau be vi loli lalainira be ram avo vai alun God.