Hibru 3:6 - Hano Niu Testamen

⁶ Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 3:6 ပူးပေါင်းရင်းမြစ်များ

Matiu 10:22

Atatu duluai rai varihai kimiu bwatuna ihaku. Take irahei nin kimiu be rav tu wasi vai votu nogonana rav rahu.

Matiu 16:18

Nam bev mwasigi lalainigo, Pita: giḡo vatu, i alun vatu geki nav tari noḡu Uloilua. I mateana si hav rihu te maragai ninia.

Matiu 24:13

Take wani gabe mwa du wasigi rahurahu vai votu nogonana vi rahu.

Ravrava non Pol lalai ata Rom 11:22

Giḡo gom ḡitae be God kea mwa davuha maigo i nu wasi mulei kea mwa bevegira be ram lin̄i ram hav huria tehe. Take God kea vi tavuha maigo, kebe gov garoinia gov huri non tavuha. Kebe gosav lolia tehe, giḡo gov taian dagai nin bwatun gai gea.

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Ravrava non Pol lalai ata Rom 5:2

Kea nu lai gida vai alolon hogoi non God be kadogaha tam ron̄ mwandavuha. I tam samsamwara bwatuna be mai nonda doronhohov be tam hara sarisari non God.

1 Korin 3:16

Matuke gim hav iloe tehe be kimiu imwa tataro non God i be kunia Vui Sabuga non God mwa dogo alolomiu.

1 Korin 6:19

Mwa du maragai be gov iloe be rebehimwa kea imwa tataro non Vui Sabuga gahena mwa dogo alolomwa. Gon lai Vui Sabuga huba nin God. Haḡe kunia giḡo gom hav mom bora te bilamwa sibomwa,

2 Korin 6:16

Imwan God sihav damei te dum mai nun Vatu, i gida imwan God rahu. God nu vevea be, “Nav togo maira i nav lago maira, Nai vora nora God, i kera rai vora noḡu sinombu.”

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

Ifisas 3:12

Lol Kraes tam mai la lolmatan God mai binihiv rahurahu i mai mataguana sigai. Tav lol dumwia geki sivi binihimwasigi lol Kraes Jisas.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

1 Tesalonaeka 5:16

Giv samsamwara tagaro.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Timoti 3:15

Take be ginau vwate vi vahala batena be nam hav mai te radu, vuvuri gaituvwa be nam ravrava, gim ilo halana be giv togo kun be atatu ata lol imwan God. Imwa gea imwa tataro non God be mwa rahu vai tuai, gaitura i bwatutun mwasigi.

Hibru 1:2

Take la nogonana kadogaha, God nu hora Nituna be vi lai roroi lalai gida. God nu tau ginau duluai gin Nituna, i ginau duluai vai gubwen̄ vwate, vi vora non Nituna.

Hibru 10:19

Ira tuaku, bwatuna be Jisas nu mate huri gida, kadogaha tan dadariha be tav haroro lol vawavwana be Ute Sabuga Liu.

Hibru 10:21

Kadogaha Jisas mwa mai gi nonda vagahi gaivua be mwa ḡitaḡoro gida.

Hibru 10:23

Tav haḡo wasi nonda doronhohov be tav bev luae, bwatuna be tam dau nonda butuana alun God be vi haḡo batugehi non tatauleo.

Hibru 10:35

I huri ginau geki mwa du be giv tu wasigi huribe tavwemiu gaivua mwa dogo be giv laia.

Hibru 11:1

Binihimwasigi garagusi kea havanau be tam doronhohov huria, tam iloe be nu mwasigi len̄len̄a be tam hav gitae tehe.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 4:11

Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

Hibru 4:16

Bwatuna gea tav tau nonda binihimwasigi aluna, i tav mai la lolmatan God bwatun non hogoi vataha mahavana. Aia tav lai sine hagavi i tav habwe hogoi be vi bului gida lol taro ririhai.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.

1 Pita 1:8

Kimiu gim hav gita te Kraes, take gim dabea radu. Gisav gita te dumwia Kadogaha, take gim binihimwasigi nia. Haḡe kimiu giv masiri gin samwarana be sihav veveana te dumwi, samwarana be nu masiri gin sarisari.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Pita 4:17

Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?

Visirai 2:18

Gov rav noḡu avoana vi vano lalai enjel lol uloilua Taeatira ba bevea be, “Geki roroi nin Nitun God, gabe matana nu ḡun gabi oda, be bwalagena ataa ran gigita ḡun vatmerameraga be ram man̄ia gin bolis mwa legiga.

Visirai 2:25

take nam doron be kimiu giv haḡo wasi alen̄a gea be mwa en alumiu vaivotu be nai mai mulei.

Visirai 2:26

Lalainira be rav muramuraga lol bwaloana vaivotu nogonana, inau nav lai muramura gea lalainira be tata nu laia lalaiau. Nav lai muramura lalainira ḡoro varan sinombu duluai la ureure, i rav lavoa ḡorora. I nora bwatan bwaloana be dovon̄an ihara be ihan tanon lavoa, i kea nu ḡun aian be nu dadariha be vi wehi bora rebehin atatu lol ute duluai, kunia be aian vi tal momogai bwalgulu n̄oto i vi maverovero,

Visirai 3:11

Nai mai mulei vilvilehi, giv gitaḡoro tavuhai havanau tehe gabe, gin laia huba, huria be atatu vwate sihav surainigo tehe alun tavwen nom rihu maragai.