Hibru 3:1 - Hano Niu Testamen

¹ Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

Hibru 3:1 ပူးပေါင်းရင်းမြစ်များ

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 20:21

Jisas mwa bev muleinia lalainira be, “Tamwata na togo abemiu. Kunia be Tata mwa horau, inau mulei nam hora kimiu.”

Leo Tavuha gabe Jon nu Ravae 20:27

Haḡe mwa bevea lalai Tomas be, “Tau bihumwa teti, i gita limaḡu; vuvuri gov hagai lua limwamwa ba sogainia lol ḡaḡauku. Gov lin̄ nom binihiv gairuruai, ba binihimwasigi!”

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

Ravrava non Pol lalai ata Rom 11:17

Ke kunia n̄ano be tavalun raran gai nin bwatun gai oliv ran mosi dagatagai. Kimiu ira Lolobon̄i gin kun raran gai oliv turu be nu tarihouana vai la muan bwatuna. Kadogaha kimiu gim hara muramura i rahun muan bwatungai, ira Jius.

Ravrava non Pol lalai ata Rom 15:27

Kera ram ron̄ mwandavuha be rav lolira geki, i mwasigi ran laia lalainira. Geki atatu be ira Lolobon̄i nu harae lalainira na vatavuha Sabuga non ira Jius, i kera ras lai nora vatavuha be nora abena lol ureure ba bului ira Jius.

Ravrava non Pol lalai ata Rom 15:8

Nam bevea lalainigo be Kraes nu vora atatun rovoga non ira Jius huri be nu lolia be, tatauleo non God lalai ira sibira vi mwasigi.

Ravrava non Pol lalai ata Rom 9:24

i gida haḡea sinombu be God nu uloi gida. Nu hav uloi te gida n̄an nin ira Jius take nu uloinira Lolobon̄i mulei.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 10:17

Huribe bereti gaituvwa n̄ano, gida tam bora rebehi gaituvwa, huribe tam bul gaituvwa lol bereti gaituvwa.

1 Korin 9:23

Nam lolia kunia huribe gin Roroi Tavuha nav lai udun non vatavuha.

2 Korin 1:7

Nomai doronhohov huri kimiu nu wasi, gam iloe huri be kimiu gim bete mai kamai nomai ron̄ ḡagarasi duluai be mwa dum kamai i mulei lol maḡomaḡo be gam laia.

2 Korin 9:13

Dovon̄an nomiu binihimwasigi, sinombu ivusi rav vev roroai God bwatuna be kimiu gim ron̄ maḡemu alun Leo Tavuha huri Kraes, Leo Tavuha be gim bevea be gim binihimwasigi i bwatun be gim bete vuroinia maira i mai atat dodolua.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

Kolosi 1:12

I gov samwara ba lai tabeana lalai tata be nu loligo gom haḡo dum houn ginau duluai be nu lol vatuvwainia huri non sinombu lol ute ratahigi huri gigita.

Kolosi 1:22

Take kadogaha, God mwa lol kimiu gi ira tuana mulei sivi mateanan Kraes. I kadogaha gov mai dum lolmatan God kun atatu gabe ran sabuga, i nu melmelo be vahalana sigai.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

1 Tesalonaeka 5:27

Nam bevea lalai kimiu mai roron̄o non Ratahigi be giv vasogo ravrava uhu lalai ira binihimwasigi duluai.

2 Tesalonaeka 1:11

Kea haḡea huri hano gam dataro ḡaoḡao huri kimiu, gam hudali God be vi bului kimiu be giv togo la rahuana gabe nu uloi kimiu be giv togo aluna. Gam dataro be mai non muramura, God vi bului kimiu be giv lol ginau tavuha be gim doronia i giv lol rovoga be ram mai nin nomiu binihimwasigi garagusi.

2 Tesalonaeka 2:14

God mwa lol Roroi Tavuha be gam doretore huri be men uloinigo be gomen rahu huribe gov rahu dumwi lol sarisari non nonda ratahigi Jisas Kraes.

1 Timoti 6:12

Bwalo gin bwaloan tavuha gin binihimwasigi garagusi, ḡamus batugehi alun rahuana kea be mwa du rahurahu vai tuai. Nu uloinigo be gov haḡo rahuana gea batena be gon seserai lua tavuhainia lolmatara kera ivusi.

1 Timoti 6:2

Ira turin rovoga be nora ratahigi i ira binihimwasigi rasav binihi te marahinira hivhivo huri be kera atat binihimwasigi. Rav lol rovoga lalai nora ratahigi vi tavuha liu, bwatuna be ram bului ira binihimwasigi be ram dabera. Gov vagahi i gov toretore huri ginau kera geki.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

2 Timoti 2:7

Gov vinihi huri hano be nam bevea, bwatun be God vi lai halana be gov ilo halan ginau duluai.

Hibru 10:19

Ira tuaku, bwatuna be Jisas nu mate huri gida, kadogaha tan dadariha be tav haroro lol vawavwana be Ute Sabuga Liu.

Hibru 10:21

Kadogaha Jisas mwa mai gi nonda vagahi gaivua be mwa ḡitaḡoro gida.

Hibru 10:23

Tav haḡo wasi nonda doronhohov be tav bev luae, bwatuna be tam dau nonda butuana alun God be vi haḡo batugehi non tatauleo.

Hibru 13:22

Ira noḡu buluana, nam rava letasi vwelvwele geki be namen avdura kimiu, i nam hudali kimiu be giv roron̄tai tavuhai huri havanau be nan vevea lalai kimiu.

Hibru 2:11

Jisas mai sinombu gabe mwa lolira ram sabuga, kera duluai ram bora vara gaituvwa. Bwatuna haḡea kea mwa hav busbusi tehe be men uloinira be ira tuana mai ira hogosina.

Hibru 2:17

Kea vivora gida vwate huria be vi lol rovoga lalai God kun gabe nonda muai tataroi rahurahu i mwa dataroi ginia sibona huri tugu kaburai nonda bwatigoro.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 6:20

Jisas nu haroro huba aia la ihada, huria be men havan̄ matan halada. Kea nu mai gi Muai Tataroi huba vai tuai, kun muai tataroi gea Melkisidek tuai.

Hibru 7:26

Jisas mwasigi nu votui tovtovo huri nonda muai tataroi. Kea atat vavtutu be non vahalana sigai, i ginau vwate nu hav lol te hantainia. Kea gaituvwa dolua nin atat hahantai, i God mwa daria haehae liu ninira duluai be ram dogo lol ute atamare.

Hibru 7:28

Silo non Moses nu tari atatu lol taro gea ram bora muai tataroi, i be kera sibora nora muramura sigai i ram buroga dumwi. Take avoana non God gea be mwa mai atagun silo, i be God mwa bev ihana huri be vi lol wasinia, avoana gea mwa dari nitun God gea, gabe God nu lol bavtutui tavuhainia huba, be vi togo kunia vai tuai mosmosianana vi sigai.

Hibru 9:11

Imwa haohao sabuga gea be mwa dogo alolona nu liu nin ata amua. Imwa gea atatu ram hav lolia tehe, nu hav vorate ginau non ureure be God nu lolia.

Hibru 9:15

Huri ginau geki Kraes haḡea mwasin atatu be vi lol dautau tatauleo gara geki. Bwatuna gea atatu be God mwa uloi luara rav lai dum vatavuha vai tuai be God nu tatauleo huria lalainira. Mateanan Kraes haḡea vi lolia rav lai dum vatavuha.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 3:5

La hala n̄an geki ira vavin sabuga be ran togo tuai i ran tau nora doronhohov alun God i ran lolira sibora ram davuha liu, ran lin̄ maḡemu lalai ira ahoara.

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

1 Jon 1:3

Gam bev ginau lalai kimiu be gam ron̄oe i gam ḡitae. Huria be kimiu giv bulu mai kamai lol rahuana. I gam bulu maia lol Tata i mai Nituna Jisas Kraes.

Ravrava nin Jud 1:1

Nin Jud atatun rovoga non Jisas Kraes i tuan Semes. Lalai atatu duluai be God nu Uloinira. God Tata nu tabe kimiu, i kimiu gin rahu lol Jisas Kraes:

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 18:20

“Ute ata amare vi samsamwara mai sinombu non God mai ira hala i ira atatun vevsera! God mwa bevegia huri hano be nu lolia lalainigo!”