Hibru 2:9 - Hano Niu Testamen

⁹ Havanau be gam ḡita dumwia kea Jisas, huri mahavana vwelvwele kea nu togo hivhivo halaten ira enjel. Gin sine hagavi non God lol non hogoi, Jisas mwa mate huri atatu duluai. I kunia be Jisas nu ron̄ḡagarasi i mwa mate huba, kea mwa lai tanoi haehae mai gai sosorin bwatu!

Hibru 2:9 ပူးပေါင်းရင်းမြစ်များ

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 6:28

“Huri hano be gim binihi dadaligi huri gaisagamiu? Giv taria alun virangai be ram mauri lol ute vono, be ram mauri kun hanigi. Ram hav lol te rovoga sage ram hav ligo te gaisaga.

Leo Tavuha gabe Mak nu Ravae 9:1

Haḡe mwa bev rahurahuinia be, “Giv vinihi dum ginau uhu! Atatu rituai rasav mate tehe vaivotu rav gita rahuan gara gabe God mwa Ratahigi ḡoro non sinombu alolona vi visirai mai muramura.”

Leo Tavuha gabe Luk nu Ravae 9:27

Nam bev mwasigi lalai kimiu be atatu rituai teti rasav mate te radu vai votu rav gita Rahuan Gara Gabe God mwa Ratahigi ḡoro non sinombu alolona.”

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Jon nu Ravae 10:17

“Tata mwa dabeau bwatuna be nam lin̄ rahuku, huria be nav lai muleinia.

Leo Tavuha gabe Jon nu Ravae 12:32

Batena be vi lol domareiau nin ureure geki, nav haraḡoḡo atatu duluai huriau.”

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 8:51

Nam bev mwasigi lalai kimiu be: Ihei tehe gabe mwa dabe noḡu silo vagahi sihav mate tehe.”

Leo Tavuha gabe Jon nu Ravae 8:52

Haḡe ram bevea lalainia be, “Kadogaha gam iloe mwasigi be vui hantai alolomwa! Ebraham nu mate, i ira atatun vevsera ran mate, take gom bev raduinia be, ihei tehe mwa dabe nom silo vagahi sihav mate tehe.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Lalaḡova 3:13

God non Ebraham, Aisak, Jekob, i God non ira sibida, nu lai mwasin non roron̄o, lalai non atatun rovoga Jisas. Take gim lin̄ia gin roron̄o, i gim bev dagarae lolmatan Paelat, vaivotu ataguna Paelat mwa bihinia be vi ribwesia.

Ravrava non Pol lalai ata Rom 5:18

I kun vuron Adam gaituvwa nu lai vevegin mateana lalai sinombu duluai, malel tavuha vwate be Kraes nu lolia kea nu lol atatu ram vavtutu lolmatan God. I kea mwa lai rahuan tavuha lalainira n̄oto.

Ravrava non Pol lalai ata Rom 5:8

Ta God mwa bagahi non doroniv muramura huri gida la hala geki: Kraes nu mate huri gida lol taro be tan vuroga radu.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Ravrava non Pol lalai ata Rom 8:32

God mwa hav usi te nituna ta mwa mahin̄ainia be vi mate huri gida duluai. I bulmai Jisas, God vi lai ginau n̄oto lalai gida.

2 Korin 5:15

Kraes nu mate huri atatu duluai, be kera be ram rahu rasav togo te hurira sibora tagaro. Kraes nu mate hurira i nu tomare mulei nin mateana huri be rav rahu huria.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

1 Timoti 2:6

Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

Hibru 1:9

Gom dabe vavtutu i gom barihai vahalana, i kunia inau, nom God nam ḡita luago. Nam uloi luago i nam loligo gin samwarana liu nin ira nom buluana.”

Hibru 10:5

Bwatuna ginau kerageki, amua Kraes mwa lol vatuvwai be vi mai lol ureure, mwa bevea lalai God be, “Gom barihai be atatu rav lol hogoi i tataroi tuntun, take gom lol vatuvwai rebehiku vwate huba.

Hibru 11:5

I bwatuna gabe Enok nu togo mwa binhimwasigi garagusi alun God, bwatuna haḡe gea kea nu hav mate tehe, God nu lai luae nin ureure i mwa hae lol ute ata amare. Atatu ran hav lai te luae huri be God nu lai dagainia huba. Take mahavana be God nu hav lai te dagainia radu, kea mwa uloi tavuhai ihana, gabe mwa lol God mwa ron̄ mwa davuha ginia.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 2:7

Gom lol kamai gam dogo hivhivo halaten ira enjel huri mahavana vwelvwele. Take gom lai binbinihi radu lalainira gin roron̄o i binihi marahi.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Hibru 8:3

Haḡe ira muai tataroi dodolua mulei kera gea, God mwa darira be rav tau ira hogoi lalainia i rav wehi ira ginau rahu ba lol tataroi tuntun be vi lai dagai vuron ira atatu. I la hala n̄an mulei kunia, nonda muai tataroi gea mulei mwa du be vi hagai ginau lalai God.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

Visirai 19:12

Matana ran ḡun gabi tabwalue, i mwa dari gai sosorin bwatu ivusi. I mwa rav ihana aluna, take kea gaituvwa n̄an mwa ilo binihiva nan iha gea.”

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.