Hibru 2:14 - Hano Niu Testamen

¹⁴ Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

Hibru 2:14 ပူးပေါင်းရင်းမြစ်များ

Matiu 16:17

Jisas mwa bwaliua be, “Saemon nitun Jon, nu tavuha maragai lalainigo! Bwatuna be mwasigi geki mwa hav mai te lalainigo nin atatu vuroi, take mwa himai rahurahu nin Tamaḡu amare.

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 12:24

Nam bev mwasigi lalai kimiu be: birin koni, mwa du be vi hovi lol tano ba mate, bisata vi togo gahena, ta be vi mate vwaina vivora ivusi.

Ravrava non Pol lalai ata Rom 14:9

Kraes nu mate i mwa domare nin mateana be men vora ratahigi non kera gabe ran mate, i kera gabe ram rahu.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

1 Korin 1:28

Hano be ureure mwa ḡita bahivoinia i mwa binihia be kea ginau vuroi n̄ano kea havanau be God nu haḡoe be vi lol kaburaiana i havanau be ureure mwa binihia be kea raumatana.

1 Korin 15:50

Nam bevea kungeki ira tuaku, Rebehi i daga tanora sigai lol ute ratahigi non God. Rebehi be vi mate dumwi, si hav lai te dum rahuana be mosmosianana nu sigai. Take gitae! Nav vev ginau dahuligi geki lalainigo: Tasav maturu te n̄oto lol mateana, take tav leahi n̄oto.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

Kolosi 2:15

La volovolo gea, Kraes mwa maribwesi dagai nin ira muramura non ira vuin vwalaua be ran hantai. Kraes nu haravira huba, i mwa lolia lalainira kun ratahigi lavoa be mwa harav ira non ivwalu, i mwa domuainira ram bano lolmatan sinombu be atatu rav gitara.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

2 Timoti 1:10

Take kadogaha mwa seserainia lalai gida gin maiana non varahuda Kraes Jisas. Nu lol kaburai mateana, i sivi Leo Tavuha kea mwa seserainia lalai gida hala be tav lai rahuana be sihav lol te kaburaiana.

Hibru 10:10

La alen̄an tataroi tuntun gara God mwa lin̄ Jisas Kraes be men mate vatuvwa n̄ano be men lol gida tam melmelo, tam sabuga, kunia be mwa doronia.

Hibru 10:5

Bwatuna ginau kerageki, amua Kraes mwa lol vatuvwai be vi mai lol ureure, mwa bevea lalai God be, “Gom barihai be atatu rav lol hogoi i tataroi tuntun, take gom lol vatuvwai rebehiku vwate huba.

Hibru 2:17

Kea vivora gida vwate huria be vi lol rovoga lalai God kun gabe nonda muai tataroi rahurahu i mwa dataroi ginia sibona huri tugu kaburai nonda bwatigoro.

Hibru 2:18

I kadogaha be kalkaliana i ron̄ gagarasi nu dum Jisas, kea vi bului dum ihei tehe be kalkaliana mwa dumwia.

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Hibru 9:15

Huri ginau geki Kraes haḡea mwasin atatu be vi lol dautau tatauleo gara geki. Bwatuna gea atatu be God mwa uloi luara rav lai dum vatavuha vai tuai be God nu tatauleo huria lalainira. Mateanan Kraes haḡea vi lolia rav lai dum vatavuha.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 20:2

Kea gabe drakon ata tuai gea, be mwa iloana mulei be atmate mai Setan.