Hibru 13:5 - Hano Niu Testamen

⁵ Giv tu dagai nin doronivanan homu, i giv samsamwara mai doronivanan havanau kolo be gin togo huba maia. Bwatuna be God mwa bevea be, “Nasav lin̄ te derainigo be gov togo gahemwa. I nasav vis te dagai ninigo.”

Hibru 13:5 ပူးပေါင်းရင်းမြစ်များ

Matiu 6:19

“Gisav hogon te rosomiu ata lol ureure geki. Ute kunia kakurus vi gan dumwia i vi boboga dumwi, i atat surasura rav haroro surai dum alolon imwa i rav surai dumwia.

Matiu 6:25

“Bwatuna gea, nam bevea lalai kimiu be gisav binihi te dadaligi lol nomiu togoana, be gim binihia be, ‘nav gan hano garigi?’ sage ‘nav mwin hano garigi?’ sage ‘nav sagasagai hano?’ Giv iloe be rahumiu barabe vi rahu n̄an alun ginaganiana, take nu liu ninia. Sage rebehimiu si hav rahu te alun gaisaga, take nu liu ninia.

Matiu 6:34

Take gisav binbinihi te dadaligi huri vaigogo, huri be vaigogo matanhalana mwa eno huba. Ginau gagarasi huri gubwen̄ gaituvwa si hav mom dari houana tehe.

Leo Tavuha gabe Mak nu Ravae 7:22

kun surana mai atat lagi, kun bugurana, avoan tentene, tul bonogai, binihiv sage i lalaḡov deḡeteḡe.

Leo Tavuha gabe Luk nu Ravae 3:14

I atatun bwaloana rituai ram hudalinia be, “Hanigi huri kamai? Kamai gav lol hano?” I Jon mwa bevea be, “Gisav lai te homu nin ihei tehe gim lol bonogai i gisav tul te bonogai vai alun ihei tehe ta giv ron̄ mwandavuha huri volimiu gim laia.”

Leo Tavuha gabe Luk nu Ravae 8:14

Biri gabe ram hovi lol ḡauli mwa du hurira gabe ram ron̄ avoana, take kalkaliana mai rosomiu mai doronivanan vigohoi ram mai alura i ram haravuinira, i mwasira ram hav metua te dum.

Ravrava non Pol lalai ata Rom 1:29

Kera ran hogon bamasirira gin lalan̄an vuro duluai, kun hala lete, bugurana, atat varihai, ran masiri gin binbinihi hantai, wehi bamat atatu, bwaloana, tenteneana, i ram binihi hantai ira tuara. Ram hun̄ahun̄a

1 Korin 5:11

Nam ravrava geki be namen vevea lalainigo be gosav bulbulu te maira be ram uloinira sibora be binihimwasigi lol Kraes take ram buroga lol rebehi mai rebehi, sage ram bugura, sage ram susura, sage ram ḡogonai nun vatu, sage ram sani atat dolua gin nora avoana, sage ram mwin wai taltale, sage ram ruruhi atat dodolua. Mwa du be gosav gan te ginau mai sinombu be kera kunia.

1 Korin 6:10

i kera gabe ram bugura i ram sura, i ram mwin wai taltale, i ram duli tenteneana vai la atat dodolua, sage ram sura atatu kera geki rasav haḡo te dum houn ute Ratahigi non God.

2 Korin 4:9

Ram wehi bonogai kamai, take God mwa hav derai te kamai. Vaivusi gam ron̄ mwahantai, take mwa hav lol te kaburai kamai.

Ifisas 5:3

Take vahalana mai vavine i mai atamwani vi sigai alolomiu, sage lalan̄an ginau hahantai sa bugurana. Ginau kera gea ran hav tavuha tehe mai sinombu sabuga non God.

Ifisas 5:5

Giv ilo dumwia be atatu be mwa lol bwatigoro mai vavine sa atamwani sage mwa lol ginau hahantai, i bugurana (huribe bugurana kea dovon̄an gogonaiana lalai tagaro dodolua). Kea sihav togo te dumwi lol Ute Lavoa non Kraes i non God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

Ravrava nin Jud 1:11

Vi hantai maragai hurira. Ran huri hala non Ken, i ran lol ginau vahala kun Balam huri homu. Ram bwalo vai alun God kun Kora be nu lolia, i vi lol kaburainira kun Kora.