Hibru 13:4 - Hano Niu Testamen

⁴ I atatu duluai rai vinihi marahi silon lagiana, ira ahoai mai ira tasalai, giv togo bavtutu hurin silon lagiana gingin kimiu. God vi vevegi ihei tehe gabe ramuru sura be lagiana sigai, i ahoai mai tasalai be vwate mwa sura mai atatu dolua.

Hibru 13:4 ပူးပေါင်းရင်းမြစ်များ

1 Korin 6:18

Haḡe kunia gov rov maragai nin bwatigoron rebehi mai rebehi. Bwatigoro dodolua duluai gabe sinombu mwa lolia kea dagai avare nin rebehi, take kera n̄an gabe ram buroga mai bwatigoron rebehi be nu hantai mai mwasin rebehira sibora.

1 Korin 6:9

Nam bev mwasigi lalai kimiu be atatu ram lalaḡo bahala rasav haḡo te dum houn ute Ratahigi non God. Gosav dadaloiga tehe. Kera gabe ram bulu alun rebehin vavine mai atamwani ram buroga gin bwatigoron lagiana ram ḡogonai nunu buhiga take ram bulbulu alun rebehin lagiana sage ira atamwani gabe ram bol mulei rebehin atamwani dolua ram bulu maia,

1 Korin 7:38

I atatu be mwa lagi vavine gea, kea mwa lol vavtutu, take atatu be mwa hav lagi tehe vi lol tavuha liu.

1 Korin 9:5

Kamai gasav lagi te dum mai ira tasalamai be kera atat binihimwasigi huba, ram huri kamai lol nomai rovoga, take ira hala dodolua mai tuan nonda Ratahigi, mai Pita?

2 Korin 5:10

Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

Kelesia 5:19

Ginau vahala be vuro sibona mwa lolia ran melmelo: Kera be ram lol vahala mai vavine, ran hav melmelo tehe, ram lol ginau vahala maragai mai rebehi,

Kelesia 5:21

ram botui tovtovo non atat dolua, ram mwinmwinu daltale, ram lol ginaganian lalavoa gin doroniv hantai i ram lol ginau dodolua kungeki. Nam lai avoan wasi lalai kimiu kadogaha kunia be nan laia amua: Kera be ram lol ginau keragea rasav haḡo te houn ute ratahigi non God.

Ifisas 5:5

Giv ilo dumwia be atatu be mwa lol bwatigoro mai vavine sa atamwani sage mwa lol ginau hahantai, i bugurana (huribe bugurana kea dovon̄an gogonaiana lalai tagaro dodolua). Kea sihav togo te dumwi lol Ute Lavoa non Kraes i non God.

1 Tesalonaeka 4:6

Mulei, gisav lol te bahala sa gisav ruruhi te atatun Kraes vwate la hala geki. Ratahigi vi vevegi sinombu be ram lol ginau kera gea kunia be gan vev serae lalai kimiu be gisav lolira tehe.

1 Timoti 3:12

Ira dikon mwa du be vivora tasalara gaitutuvwai n̄ano i rai vora ira tomuai tavuha lalai ira nitura i lalai ata lol imwara.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

1 Timoti 3:4

Kea vi vora tomuai tavuha vai la imwa, mwa haḡo naturirigi be ram bulbulu gin binihi marahi be nu masiri.

1 Timoti 4:3

Ram duḡoro sinombu be rasav lagi tehe i ram bevea lalainira be rasav gan ginaganiana rituai be God nu lolira be vi ganiana gin avkari nin sinombu be ram binihimwasigi i ram ilo mwasigi.

1 Timoti 5:14

Haḡe nam doronia be ira bwero bweihe rav lagi, rav bav naturirigi, i rav gitaḡoro imwara sibora. Kunia ivwalu halan nora vi sigai be rav av vai alura.

Taetas 1:6

Tomuai sihav vora te atatu be nu vuroga, tasalana vivora gaituvwa n̄ano, ira nituna atatu binihimwasigi. Take rasav vora te naturigi be ram daha i ram hav bulbulu tehe.

Hibru 12:16

Giv gita ḡoro tavuhai be vwate nin kimiu sihav vora te kun Iso, be rahuna nu hav vavtutu tehe, i mwa hav vinihi te dum God mulei. I kea mwa salei non tanon tuagai mai non roso. Take volin non tanon tuagai mai roso duluai gina ganiana n̄an vuroi, be kea nu gania vatuvwa mamaha.

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.