Hibru 13:3 - Hano Niu Testamen

³ Giv vinihi dumwira gabe ram dogo lol imwa vauvauhi, kun gabe kimiu lol imwa vauvauhi bul maira. I mulei giv vinihi dumwira gabe ram ron̄ ḡagarasi kun gabe, kimiu mulei gim ron̄ ḡagarasi bul maira.

Hibru 13:3 ပူးပေါင်းရင်းမြစ်များ

Matiu 25:36

Nan la vuroi, gin saga ḡoroau. Nan haro, gin gitaḡoroau. Nan togo lol imwa vauvauhi, gin mai gin siroau.’

Matiu 25:43

Nan lago gi tausala ita gin hav lai te ḡoḡoau vai lol imwamiu. Nan la vuroi ita gin hav saga te ḡoroau. Nan haro i nan togo lol imwa vauvauhi ita gin hav mai tehe be gimen gita ḡoroau.’

Lalaḡova 24:23

Kea mwa bevea lalai ira tomuai be ram ḡitaḡoro Pol be rav gita goro tavuhainia, i rav lai dum mahin̄ana lalainia be kera gabe non buluana rav lai te dum havanau lalainia be mwa doroni.

Lalaḡova 27:3

Haḡe mwa rani gam botu la vanua Saidon. Julias mwa davuha mai Pol i mwa lin̄ia be vi hivo vi gitara non buluana huri be rav lai te dum hano be mwa doronia lalainia.

Ravrava non Pol lalai ata Rom 12:15

Gov samwara maira be ram samwara, i gov ron̄ mwahantai maira be ram ron̄ mwahantai.

1 Korin 12:26

Be mavuvuda vwate mwa ron̄ mwahantai, rebehida n̄oto mwa ron̄ mwahantai maia. Take be rebehida duluai mwa ḡogonaiana, rebehi duluai ram bulu lol gogonaiana gea.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Kolosi 4:18

Inau, Pol nam lai avoan helheloi lalai kimiu i nam rav avoana geki gin mwasin limaḡu. Gisav vinihi te malioi gao vatu be ram bauhiau aluna lol imwa vauvauhi. Hogoi non God vi togo maigo.

Hibru 10:34

Gom bului atat binhimwasigi be ram dogo lol vauvauhi. I lol taro be atatu ram mai ram lai dagai nomiu vataha ginau take kimiu gim samsamwara n̄ano, huribe gim iloe huba be nomiu vataha ginau rituai ram dogo be ran tavuha liu, i be rasav van te dagai nin kimiu.

Hibru 11:37

Atatu rituai mulei atatu ram bohara gin vatu, i rituai mulei atatu ram soara gi n̄adun gairua. I atatu rituai ram wehira gin buan bwaloana. I rituai gaisagara sigai, take ram sagasagai vinun sipsip mai nani. Vataha mahavana ram habwea mwa ririhai, i atatu ram mwaloinira ram ḡorora i ram lol hantainira.

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.