Hibru 13:16 - Hano Niu Testamen

¹⁶ Gisav vinihi te malioi be giv lol ginau tavtavuha i giv bulubului kimiu huribe ginau kerageki mwasin raumatan ginau be God mwa samsamwara ginia.

Hibru 13:16 ပူးပေါင်းရင်းမြစ်များ

Leo Tavuha gabe Luk nu Ravae 18:22

Mahavana be Jisas mwa ron̄ non avoan vwaliu uhu, mwa bevea lalainia be, “Take ginau vwate radu be gov lolia, van ba salei nom vilogoana, i gov lai homu lalai ira hiru. Kunia gov lai rosomwa amare; vuvuri gov mai ba huriau.”

Lalaḡova 10:38

Nu vano vataha ute duluai mwa lol lalaḡova tavuha, i mwa barahura gabe ram dogo vauhi halaten muramura non Vui hantai, bwatuna God bul maia.

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Ravrava non Pol lalai ata Rom 12:13

Gov hogos atat non God be ram do ririhai. Gov lai tausala be ram doron ginau, vai la imwamwa.

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

Kelesia 6:6

Ihei tehe be mwa huhui silo vagahi non God, mwa du be vi hara ginau tavuha duluai be vi betea mai non vagahi.

Ifisas 4:28

Kera gabe ram susura rav lin̄i be ram susura i rav tau bwatuna ba lol rovoga. Mwa du be kera rav haḡo rahuan tavuha hurira sibora i kera rav lai dum ginau abena be rav hogoinia lalainira be ram hiruga.

Filipae 4:14

Take nu tavuha be gin buluiau la mahavana be nan doron buluiana.

Filipae 4:18

I kadogaha nam lai ginau duluai i liu. Nam haḡo ginau duluai be nam doronia, bwatuna be Epavrodaetas nu lai nomiu hogoi lalaiau. Kun hogoi huri ahu bon ḡologolo lalai God, kea be mwa lai ḡoḡo tataroi i mwa ron̄ mwandavuha ginia.

1 Tesalonaeka 5:15

Giv gitae be ihei sihav vwaliu te vahalana gin vahalana. Take tagaro giv lol ron̄oe be giv lol hano be nu tavuha lalai kimiu gaitutuvwai i lalai sinombu.

2 Tesalonaeka 3:13

Ta kimiu ira tuaku, gisav bwatiḡoruga tehe be giv lol tavuha.

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

Filimon 1:6

Nam dataro be binihimwasigi be gom hogoinia vi loligo gov iloe huri vatavuha duluai be gam laia nin Kraes.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

3 Jon 1:11

Tuaku gosav huri te havanau be nu hantai; gov huri hano be nu tavuha. Atatu be mwa lalaḡo tavuha kea bilan God. Take atatu be mwa hav lalaḡo te tavuha mwa hav ilo te hohoi God.