Hibru 13:15 - Hano Niu Testamen

¹⁵ Tataroi tuntun gea nu vavtutu huribe mwa mwalue nin atatu be ram uloi God be nora Ratahigi.

Hibru 13:15 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Leo Tavuha gabe Luk nu Ravae 10:21

Lol mahavan gea Jisas mwa masiri gin samwarana gin Vui Sabuga, i mwa bevea be, “Tata, giḡo Ratahigi ḡoro amare i lol ureure! Nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao. Mwasigi, Tata, geki haḡea halana gon doron be vi loli kunia.”

Leo Tavuha gabe Jon nu Ravae 10:9

Inau matgatava. Ihei tehe mwa haroro siviau kea vi rahu; kea vi haroro i vi bwihavare vi habwe gan ginau.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 6:19

Nam lolia la hala geki, huribe nu ririhai lalainigo be gov iloe. Amua gon lin̄ vatahanan rebehimwa be rai vora turin vuro i ginau hantai; gom dogo n̄ano huri ginau hantai. Kunia mulei gon lin̄ muleinigo gi turin ginau vavtutu. I vuvuri gov togo n̄ano huri God.

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

Kolosi 1:12

I gov samwara ba lai tabeana lalai tata be nu loligo gom haḡo dum houn ginau duluai be nu lol vatuvwainia huri non sinombu lol ute ratahigi huri gigita.

Hibru 12:28

Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.