Hibru 12:9 - Hano Niu Testamen

⁹ Hurin alen̄anda atatu, ira tamanda ram lai silo vevegi lalai gida, i gida tam bavora tam binihi marahinira huria. Take kunhanigi huri tamanda be mwa dogo amare? Gida tav vinihi marahinia i tav gogonainia liu ninia be tam ḡogonai tamanda ata lol ureure geki, i kunia gida tav lai rahuana.

Hibru 12:9 ပူးပေါင်းရင်းမြစ်များ

Leo Tavuha gabe Luk nu Ravae 18:2

Mwa bevea be, “Lol bwatutun vanua vwate ratahigi vwate mwa dogo mwa hav matagun te God i mwa hav binihi te marahi atatu.

Leo Tavuha gabe Luk nu Ravae 18:4

Huri mahavana n̄ava wani vevev mwa hav buluia tehe take la nogonana mwa bevea lalainia sibona be, ‘Son̄o be nam hav matagun te God sage nam hav binihi te marahi atatu,

Leo Tavuha gabe Jon nu Ravae 3:6

Atatu be mwa bora gin vihogoi nin tamana, i ratahina kea vihogoi, ta kea gabe mwa bora gin vui, mwa bora Vui.

Lalaḡova 2:30

Kea atatun vevsera, i nu ilo hano gabe God nu tatauleo lalainia huria. God nu lol tatauleo garagusi vwate lalainia be vi lol ata la varan Deved vwate vivora Ratahigi Lavoa, kun Deved sibona.”

Ravrava non Pol lalai ata Rom 1:3

Roroi tavuha kea huri Nitun God, Jisas Kraes. Nu kun atatu, kea nu vora nin varan Deved. Take sivi muramura non Vui Sabuga kea nu gita luae gi nitun God huribe God nu lolia mwa domare mulei nin mateana, kea Jisas Kraes nonda Ratahigi.

Ravrava non Pol lalai ata Rom 9:3

Nam binihia be nas bului ira tuaku ira Jius mai noḡu sinombu. Nan doronia mulei be nas lai vevegi i nas tu dagai nin Kraes i bisata kunia kea si buluira.

Ravrava non Pol lalai ata Rom 9:5

Kera haḡea varan ira sibida, i kera mulei ran togo lol taron Kraes be nu vora, kea be God ḡoro gida sinombu duluai, tav uloi roroainia vai tuai i tuai! Amen.

Jemes 4:10

Giv togo lolomohigi lolmatan Ratahigi, i kea vi sagego.

Jemes 4:7

Lai duluai rebehimwa lalai God. Tu wasigi ḡoro atmate, i atmate vi rovo ginigo.

1 Pita 5:6

Giv lin̄ maḡemu halaten liman God gabe nu muramura huribe vi tomarei kimiu lol mwasin tarona be vi mai.

Visirai 22:6

Haḡe mwa bevea lalaiau be: “Avoana kera geki rav mwasigi, i mwa du be vi vinihi mwasigiana na Ratahigi God n̄ano mwa domuai rahun non atatun vevsera, i kea n̄an gaituvwa be nu hora non enjel be vi seserainia lalai ira non atatun rovoga havanau be vi loli be ramen loli darihou.”