Hibru 12:3 - Hano Niu Testamen

³ Nu tavuha be kimiu giv vinihi dum taro ririhai duluai be nu dumwia, gabe ira tomuai lete ran tomare ram ban burigainia. I kunia nomiu binihiva si hav hovi tehe take giv tu wasigi lol nomiu binihimwasigi garagusi.

Hibru 12:3 ပူးပေါင်းရင်းမြစ်များ

Matiu 11:19

Take inau Nitun Atatu na mai, i nam ḡan i na mwinmwin. Haḡe atatu duluai ram bevea be, ‘Gin gitae! Kea mwasin atat gangan i mwinmwin gaivua, i mwa bora buluana nora harahara homu i ira vev duli!’ Take mataisao non God mwa lol bisirai non mwasigi gin vwain non lalaḡova.”

Matiu 12:24

La mahavana be ira Varise ram ron̄oe, ram bwaliua be, “Wani uhu mwa hora lua vui hantai n̄an bwatuna Belsibal ratahigi ḡoro ira vui hantai mwa lai muramura lalainia be vi lolia.”

Matiu 15:2

“Huri hano nom roron̄tai ram lol salil silo, mwa huriana nin ira sibida mwa mai tuai? Huri be ras bwaga limara vuvuri ram siv gan ginau.”

Matiu 21:23

Jisas mwa dabagilu mulei vai lol Imwa Tataro, i mwa bagahi. Haḡe ira muai tataroi maira bwatmetua ira Jius ram mai vai abena, ram hudalinia be, “Gom lai hava roron̄o be gomen lol ginau kera geki? Ihei mwa laia lalainigo?”

Matiu 21:46

I ram lol ron̄oe be rav vwirihi Jisas. Take ram matagun sinombu be ram bevea be, Jisas kea atatun vevsera vwate.

Matiu 22:15

Ira Varise ram bano ram lol taritari be rav sani Jisas alolona gin avoan hudaligi.

Leo Tavuha gabe Luk nu Ravae 14:1

Haḡe lol gubwen̄ mambuharai vwate Jisas mwa ban be men gan ginau lol imwan tomuai Varise vwate; sinombu ram du sosori Jisas ram matainia.

Leo Tavuha gabe Luk nu Ravae 15:2

ira Varise mai ira vagahin Silo ram bavora ram biavoavo mau ginira ram bevea be, “Atatu uhu mwa laiḡoḡo ira vevduli i mwa ḡan ginau bul maira!”

Leo Tavuha gabe Luk nu Ravae 16:14

Haḡe batena be ira Varise ram ron̄ ginau duluai uhu, ram sovui Jisas bwatuna be kera ram dabe homu.

Leo Tavuha gabe Luk nu Ravae 2:34

Simion mwa batavuhainira i mwa bevea lalai Mere ratahin naturigi be, “Naturigi geki God mwa ḡita luae be sinombu ivusi ata Israel rav hovi ta rav lai varahuva bwatuna kea. Kea vivora dovon̄ana nin God gabe sinombu ivusi rav ivwaluinia gin nora avoana,

Leo Tavuha gabe Luk nu Ravae 5:21

Ira vagahin Silo mai ira Varise ram dau bwatuna ram bevea ginira be, “Ihei wani uhu gabe mwa av deḡeteḡe vai alun God? God n̄ano gabe mwa binihi kaburai dum vuro!”

Leo Tavuha gabe Jon nu Ravae 10:20

Haḡe kera ivusi ram bevea be, “Mwa dogo mai vui hantai! Kea mwa daltale! Hurihano gim roron̄tainia?”

Leo Tavuha gabe Jon nu Ravae 18:22

Batena be Jisas mwa bevea kungeki, gitaḡoro vwate mwa rabasia mwa bevea be, “Gom avo kunia lalai Muai Tataroi huri hano!”

Leo Tavuha gabe Jon nu Ravae 5:16

Haḡe ram dau bwatuna ram bev hantai Jisas huri be nu varahu wani gea lol gubwen̄ mambuharai.

Leo Tavuha gabe Jon nu Ravae 7:12

Haḡe sinombu rituai ram bin̄utun̄utu huria ram bevea be, “Kea atat tavuha,” take rituai ram bevea be, “Sigai, kea mwa bataltal sinombu.”

Leo Tavuha gabe Jon nu Ravae 8:13

Haḡe ira Varise ram bevea lalainia be, “Giḡo mahaḡea gom dura mulei nom avoana, be kunia nom avoana sihav tu tehe.”

Leo Tavuha gabe Jon nu Ravae 8:52

Haḡe ram bevea lalainia be, “Kadogaha gam iloe mwasigi be vui hantai alolomwa! Ebraham nu mate, i ira atatun vevsera ran mate, take gom bev raduinia be, ihei tehe mwa dabe nom silo vagahi sihav mate tehe.

Leo Tavuha gabe Jon nu Ravae 8:59

Bwatuna gea ram hara vatu be ramen vohae ginia; take Jisas mwa hili dagai i mwa bwihi avare nin Imwa Tataro.

Leo Tavuha gabe Jon nu Ravae 9:40

Haḡe ira Varise rituai gabe ran tu aia bul maia ran ron̄oe be mwa bevea kun geki ram hudalinia ram bevea be, “Matu kamai mulei gai matagaraga, mwasigi?”

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

2 Korin 4:1

God gin non sine hagavi, nu lai rovoga geki lalai kamai be gav lolia, i gosav lin̄ia tehe.

2 Korin 4:16

Bwatuna gea binihimai mwa hav hovi tehe, haḡe gam hav lin̄ te rebehimai be rav metuaga i rav mandamanda, take vui alolomai mwa lol kamai gam ḡara vataha gubwen̄i.

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

2 Tesalonaeka 3:13

Ta kimiu ira tuaku, gisav bwatiḡoruga tehe be giv lol tavuha.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 12:5

Bisata gin binihi malioi avoan dura gea be mwa eno lol buka Baebol. I God nu avo lalai kimiu kun gabe kimiu haḡea mwasin ira nituna? “Nituku, giv roron̄tai batena be nai vevegi kimiu, i binihimiu sihav hovi tehe batena be nam nav av surasurai kimiu.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

1 Pita 2:23

Sinombu rav vev hantai Kraes, take kea nu hav vev te hantai mulei nira. Kraes nu ron̄ ḡagarasi, take nu hav ḡele te muleinia kea nu mahin̄ai God, kea gaituvwa be mwa bevegi la hal tavuha, gitaḡoroe.

Visirai 2:3

Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.