Hibru 12:28 - Hano Niu Testamen

²⁸ Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

Hibru 12:28 ပူးပေါင်းရင်းမြစ်များ

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Leo Tavuha gabe Luk nu Ravae 1:33

i kea vi vora ratahigi lavoa ḡoro ira varan Jekob vai tuai, i non ute ratahigi lavoa mosmosianana nu sigai!”

Ravrava non Pol lalai ata Rom 11:20

Kea mwasigi. Take rara keragea ran mosi kaburai bwatuna be ram hav binihi te mwasigi, i giḡo gom ḡaroinia gom bora vatahanan bwatungai gea huria be gom binihimwasigi. Gosav rav ravwega tehe, ta gov matagu.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Ifisas 5:10

Giv lol ron̄oe be giv huhui havanau be Ratahigi mwa doronia.

Filipae 4:18

I kadogaha nam lai ginau duluai i liu. Nam haḡo ginau duluai be nam doronia, bwatuna be Epavrodaetas nu lai nomiu hogoi lalaiau. Kun hogoi huri ahu bon ḡologolo lalai God, kea be mwa lai ḡoḡo tataroi i mwa ron̄ mwandavuha ginia.

Hibru 10:19

Ira tuaku, bwatuna be Jisas nu mate huri gida, kadogaha tan dadariha be tav haroro lol vawavwana be Ute Sabuga Liu.

Hibru 13:15

Tataroi tuntun gea nu vavtutu huribe mwa mwalue nin atatu be ram uloi God be nora Ratahigi.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 4:16

Bwatuna gea tav tau nonda binihimwasigi aluna, i tav mai la lolmatan God bwatun non hogoi vataha mahavana. Aia tav lai sine hagavi i tav habwe hogoi be vi bului gida lol taro ririhai.

Hibru 5:7

Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.

1 Pita 1:17

Gov tataro lalai God i gov uloinia gi Tata, i nu harahara huri rovoga non atat gaitutuvwai n̄an gaituvwa i lol taro be gim dogo lol ureure, giv lol ron̄oe be giv togo gin binihimarahi huri God.

1 Pita 2:20

Kebe giḡo gom wehiana huri nom ute lete, hala vwate sigai lalainigo be gov uloi roroainigo huri alen̄ maḡemu lol nom silo vevegi. Take be gov ron̄ ḡagarasi huri nom vavtutu, i giḡo gon maḡemu, kea God mwa ron̄ mwandavuha.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

Visirai 1:6

Kea Ratahigi Lavoa i mwa lolia be tam mai gi non ira muai tataroi be tamen lalaḡo lalai God Tata. Lalainia roroai i muramura vai tuai vai tuai! Amen.

Visirai 15:4

God, ihei tehe sihav vinihi te marahinigo? Ihei tehe sihav lol te roroai ihamwa? Giḡo n̄an gon sabuga. Varan sinombu duluai la ureure rav mai ba ḡogonainigo, bwatuna be gon seserai alen̄amwa be alen̄ vavtutu lalai sinombu.

Visirai 5:10

Gom lolira gi varan ira tataroi, be rav lalaḡoi God gida, i rav tomua lol ureure.”