Hibru 12:25 - Hano Niu Testamen

²⁵ Giv gitaḡoro, huria be gisav roron̄tai te God gabe mwa avo mai kimiu. Ata tuai be ran sin̄ohi bwerora be rasav ron̄ te roroi non God rasav habwe te dum hala vwate be rav romaragai. I kadogaha be tasav ron̄ te silon God be avo mai gida nin ute atamare, gida mulei tasav habwe te dum hala be tav romaragai.

Hibru 12:25 ပူးပေါင်းရင်းမြစ်များ

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 8:4

Jisas mwa bevea lalainia be, “Ron̄oe! Gosav vevuri te lalai hei dolua huri ginau nam lolia lalainigo. Take goi van aben tataroi ba vi gitago. I gov vohai nom hogoi kun silo non Moses mwa bevea, huri be vi seserainia lalai sinombu be gon melmelo.”

Lalaḡova 7:35

“Moses kea haḡea atatu gabe ira Jius ran vev dagarae, ram bevea be, ‘Ihei mwa loligo be gomen lavoa ba domuai kamai.’ Moses kea haḡea be God nu horae be vi tomuai bwihavarei sinombu gin buluiana non enjel gabe nu visirai abena lol mahavana be ute vono nu onda.

1 Tesalonaeka 5:15

Giv gitae be ihei sihav vwaliu te vahalana gin vahalana. Take tagaro giv lol ron̄oe be giv lol hano be nu tavuha lalai kimiu gaitutuvwai i lalai sinombu.

2 Timoti 4:4

Rasav mom doron tehe be rav roron̄tai huri mwasigi i rav tau bwatuna ba huri silo vagahi tentene.

Hibru 1:1

Tuai maragai huba ira atatun vevsera non God ran avoi seserai non roroi lalai ira sibida la hala ivusi.

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 12:19

kera ram ron̄ silon taiva be mwa datan̄i. Sinombu ata Israel ram ron̄ silo vwate mwa avo, take ram bevea be vi mambu

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

Hibru 3:17

Ira hei mulei gea be God nu lol horoinira huri taul n̄avul gaivasi?

Hibru 8:5

Rovoga gabe ira tataroi ran lolia, kun gabe nunun ginau gabe ram loli lol ute amare. Geki mwasigi huri be tuai God nu vevea lalai Moses be vi haḡo Imwa Haohao gea gi tanon tataroi nu vevea be “Gov gita ḡoro tavuhainia be gomen lol ginau duluai kera geki, hurin halana duluai be nan vev seserainia lalainigo, amare la vusi.”

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.

Visirai 22:9

Take enjel mwa bevea be, “Gosav lolia te kunia. Inau atatu n̄an kunigo, inau atatun rovoga n̄an kunigo mai ira tuada i ira atatun vevsera mai ira hei duluai gabe ram ron̄ avoana duluai ata lol buka geki. Take giv gogonai God n̄an gaituvwa.”