Hibru 12:24 - Hano Niu Testamen

²⁴ Giv mai huri Jisas, gabe kea atatu be vi tari mulei Tatauleo gara non God. I kimiu giv mai alun dagan Jisas gea gabe nu lol melmeloi kimiu, gabe mwa bev lua ginau gabe ran tavuha liu, ninia gea be dagan Ebol mwa bev luae.

Hibru 12:24 ပူးပေါင်းရင်းမြစ်များ

Matiu 23:35

Huri ginau duluai kera gea, silo vevegi huri mateanan ira vavtutu duluai ata lol ureure geki vi dum kimiu, nu bwativuga alun mateanan Ebol atat vavtutu vai votui mateanan Sakaraia nitun Barakaia, gabe gin wehia lol davolan imwa i tanon tataroi Imwa Tataro.

Matiu 26:28

Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi.

Leo Tavuha gabe Mak nu Ravae 14:24

Haḡe Jisas mwa bevea be, “Geki dagaku mwa rovo huri sinombu ivusi be men lol dum tatauleo non God be men tu.

Leo Tavuha gabe Luk nu Ravae 11:51

nu bwativuga nin mateanan Ebol vaivotu mateanan Sakaraia kea gabe nu wehiana lol davolan tanon tataroi mai Ute Sabuga. Mwasigi nam bevea lalai be sinombu ata garigi rav lai silo vevegi hurira duluai!”

Leo Tavuha gabe Luk nu Ravae 22:20

Kunia mulei, mwa lai laha lalainira atagun ginaganiana, mwa bevea be, “Laha geki tatauleo gara non God mwa laia mai dagaku gabe mwa rovo huri kimiu.”

Kelesia 3:20

Take atatun tamwata mwa hav loli tehe batena be tavaluna gaituvwa n̄ano i God kea gaituvwa n̄ano.

1 Timoti 2:5

God gaituvwa n̄an i hala gaituvwa be atatu vi votui God. Hala gea sivi Kraes Jisas, kea sibona atatu.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 11:28

Huria be kea mwa binihimwasigi garagusi alun God, bwatuna gea kea mwa dau bwatun Halbisḡalau. Kea nu vevea lalai ata Israel be rav tau dagan sipsip la gai duluai la gatavan imwara. Kera ram lolia kunia huria be Enjel gea be God mwa horai be vi wehi atatu sihav wehi te dum nora muai bwana.

Hibru 11:4

Ebol mwa dogo mwa binihimwasigi garagusi alun God, i bwatuna a haḡe gea non tabeana vwate be mwa laia lalai God nu tavuha maragai nin non tuana Ken. Haḡe bwatuna gabe Ebol mwa binihimwasigi garagusi alun God, bwatuna haḡe gea God mwa uloi tavuhai ihana be kea atat vavtutu vwate, i mwa samsamwara be vi lai non hogoi. Wani gea Ebol nu mate huba, take huria alen̄an non binihimwasigi garagusi, kea mwa dogo mwa avo lalai gida radu.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 7:22

I tatauleo gea be Jisas nu laia nu visirae lalai gida, nu tavuha liu nin ira tatauleo ata tuai.

Hibru 8:13

Batena be God nu avoi tatauleo gara, kea nu lol muan tatauleo mwa maleiga i ginau be ram maleiga sihav n̄ava tehe rav nogonogo.

Hibru 8:6

I take tam ḡitae be rovoga gea be ira tataroi tuai ran togo ram lolia. I la hala n̄an mulei kunia, tatauleo non God be Jisas nu lai bisirainia lalai atatu, kea mulei nu tavuha maragai liu tatauleo gea ata tuai, huri be avoanan ginau rav tavuha liu, be vi lol wasinia vi tu.

Hibru 8:8

Take God mwa habwe vahalana ivusi alolon non sinombu, kunia gabe buka Baebol mwa bevea be, God mwa bevea be, “Gubwen̄i mwa du mwa mai, inau nav tatauleo gara lalainira ata Israel i lalainira Juda.

Hibru 9:15

Huri ginau geki Kraes haḡea mwasin atatu be vi lol dautau tatauleo gara geki. Bwatuna gea atatu be God mwa uloi luara rav lai dum vatavuha vai tuai be God nu tatauleo huria lalainira. Mateanan Kraes haḡea vi lolia rav lai dum vatavuha.

Hibru 9:19

Moses mwa avo maira ata tuai mwa bev ira silo kokolo rituai be ram mauri la silo lalavoa. Ataguna mwa lai dagan ira buluki i nani mwa salil roroia mai wai. Mwa lai raun gai mai ilun sipsip be nu memea mwa darudaruainia la bukan silo i la sinombu.

Hibru 9:21

Kunia mulei, Moses mwa daruai daga la imwa haohao i la ginau duluai be mwa haḡoana lol taron gogonai.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.