Hibru 12:15 - Hano Niu Testamen

¹⁵ Giv gitaḡoro tavuhai kimiu be vwate nin kimiu sihav taleva tehe, be men van dagai nin hogoi non God. Gosav vora te kun bwatun vutu be mwa mauri i mwa mai gi gai garagara.

Hibru 12:15 ပူးပေါင်းရင်းမြစ်များ

Leo Tavuha gabe Luk nu Ravae 22:32

Take nam dataro hurigo Saimon, be nom binihimwasigi garagusi si hav hovi tehe. I batena be gom dabagilu mulei huriau, gov tura wasi ira tuamiu.”

1 Korin 10:12

Be gom binibe gon wasi, gov gitaḡoro be gosav hovi tehe.

1 Korin 13:8

Lolotabetabe mwa hav nogo tehe. Ira hogoi huri avoan dau, take rav nogo. Ira hogoi huri avoan dodolua, take hogoi gea rav nogo. Hogoi huri mataisao take vi mai la nogonana.

1 Korin 15:33

Gisav taltale tehe. “Mwemwearuv hantai vi lol bwarebware alen̄an mwemwearuva.”

1 Korin 5:6

Nom avoan sasagerega ivusi butbutui nu hav tavuha tehe. Kimiu giv ilo avoana geki, “Marahan is kolo n̄ano mwa lol vulaoa mwa buge maragai tanona mwa masiri latlate.”

2 Korin 13:5

Giv gitagita tavuhai kimiu sibomiu. Giv haḡo ron̄ kimiu giv gitae be gim dogo lol binihimwasigi garagusi. Gim iloe be Kraes Jisas kea alolomiu be gim hovi be giv haḡo ron̄ kimiu.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Kelesia 2:13

I Pita nu lol alen̄an ira hoḡoiḡoro mai ira atat binihimwasigi rituai be ran togo maia. Mulei Banabas nu lumuhia gin hano be ira binihimwasigi ira Jius ran lolia.

Kelesia 5:4

Be gim lol ron̄oe be gimen vavtutu mai God sivi silo, rahumiu mai Kraes mwa du dagai nin hogoi non God.

Ifisas 5:3

Take vahalana mai vavine i mai atamwani vi sigai alolomiu, sage lalan̄an ginau hahantai sa bugurana. Ginau kera gea ran hav tavuha tehe mai sinombu sabuga non God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

Taetas 1:15

Ginau duluai ran melmelo lalainira be ran melmelo; take lalainira be ran masiri gin binihiv hahantai i ram hav binihi te mwasigi, lalainira ginau vwate nu hav melmelo tehe. Binihira mai alen̄ara ran hantai.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

Hibru 4:1

God nu taua huba lalai gida be tav lai dum mambuana gea be nu tatauleo huba huria lalai gida. Gida atatun God tav gitae be vwate aloloda sihav vahal te tarona be vi haroro lol mambuana non God.

Hibru 4:11

Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

2 Pita 3:11

La hala gea ginau duluai vi lolian kaburai! Haḡe hava lalan̄an atatu haḡea mwa du be vi vora kunia? Kimiu mwa du be giv rahu lol rahuanan vui i giv lol rovoga lalai God,

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

2 Jon 1:8

Giv gitaḡoro sibomiu be gisav haḡo te bahal ginau duluai be gin lol rovoga huria, take be giv lai tavwe duluai.