Hibru 12:13 - Hano Niu Testamen

¹³ Nomiu lagoana vi vavtutu n̄ano la hala be nu tavuha. I be sivora bwalagemiu be si hantai, kun be bwau mwa ban burigai, ta kea vi tavuha n̄an mulei dumwi.

Hibru 12:13 ပူးပေါင်းရင်းမြစ်များ

Leo Tavuha gabe Luk nu Ravae 3:5

Walui duluai vi hogon̄iana, vus ririgi mai vus lalavoa vi tavolaiana. Hal viletelete vi vavtutuiana, hal bwaran̄ran̄a vi haravuiana;

Kelesia 2:14

Lol taro be nan gitae be nan hav huri te mwasigi non Roroi Tavuha, nan avo mai Pita la lolmatara duluai. Nan vevea be, “Pita, giḡo vara ata Jiu, take gom hav togo te kun gabe giḡo varan Jiu. Gom dogo kun ira Lolobon̄i. I huri hano be kadogaha gom lol ron̄oe be gomen garoinira Lolobon̄i be ramen togo kun gabe varan ira Jius?”

Kelesia 6:1

Ira tuaku, be atatu vwate lol nomiu tatan̄ana mwa lol ginau vahala, giḡo gabe gom dogo lol Vui gos vano aben wani gea ba buluia ba lol bavtutu muleinia. Take giv gitaḡoro, bere gim ḡal kimiu vai lol vuro mulei.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.