Hibru 12:1 - Hano Niu Testamen

¹ Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Hibru 12:1 ပူးပေါင်းရင်းမြစ်များ

Matiu 10:22

Atatu duluai rai varihai kimiu bwatuna ihaku. Take irahei nin kimiu be rav tu wasi vai votu nogonana rav rahu.

Matiu 24:13

Take wani gabe mwa du wasigi rahurahu vai votu nogonana vi rahu.

Leo Tavuha gabe Mak nu Ravae 10:50

Kea mwa bohai dagai non koti mwa burere amare mwa mai vai aben Jisas.

Leo Tavuha gabe Luk nu Ravae 12:15

I mwa bev rahurahuinia lalainira duluai be, “Giv mataiḡoro i giv gitaḡoro kimiu nin lalan̄an bugurana, bwatuna mwasin rahun atatu mwa hav mai tehe nin rosona, gaituvwa n̄an be rosona gaivua.”

Leo Tavuha gabe Luk nu Ravae 16:28

vai aben ira tuaku gailima. Lin̄ia na vano ba bev serae lalainira be kera rasav mom mai te lol ute ron̄ḡagarasi uhu.”

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Leo Tavuha gabe Jon nu Ravae 3:32

Mwa bevuri huri hano nu gitae i nu ron̄oe, ita ihei gaituvwa mwa hav lai te ḡoḡo non avoana.

Leo Tavuha gabe Jon nu Ravae 4:39

Ata Samaria ivusi lol bwatutun vanua gea ran binihimwasigi Jisas bwatuna be vavine nu vevea be, “Mwa bev lua ginau duluai gabe nan lolia.”

Leo Tavuha gabe Jon nu Ravae 4:44

Amua kea nu vevea be, “Atatun vevsera sihav binihian te marahi lol mwasin vanuana.”

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Kelesia 2:2

Nan vano bwatuna be God nu lol melmeloinia mulei lalaiau be nas vano. Nan sogari ira binihimwasigi aia, i gin hala dahuligi nan vevea lalai ira nora tomuai huri Roroi Tavuha be nan toretore huria lalai ira Lolobon̄i. Nan hav doroni tehe be noḡu rovoga ata amua mai rovoga be nan lolia kadogaha vi sabweleiana.

Kelesia 5:7

Kimiu gim rovo huri rovoan tavuha. Ihei mwa du ḡorogoro kimiu be gisav huri te mwasin hala?

Ifisas 4:25

Haḡe mwa du be giv lin̄i be gim dentene. Giv vev mwasigi lalai vatvataha kimiu, bwatuna be gida duluai ira ududun vatvataha gida lol rebehi gaituvwa.

Filipae 1:30

Batena be nan togo mai kimiu gin gita taro ririhai be nu tu lol mataku, i gin ron̄oe huri taro ririhai be mwa du lol mataku kadogaha. Kimiu sinombu gim habwe taro ririhai gea.

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

2 Timoti 2:4

Atatun bwaloana mwa doron be vi lol samsamwarai non tomuai huria, be ihei tehe be mwa lol rovoga lol tanon bwaloana sihav sabwelei te non taro mai ginau ata vataha gubwen̄i.

2 Timoti 4:7

Nan bwalo gin bwaloan tavuha, nan nogoi rovoan viluslusi, nan haḡo batugehi binihimwasigi garagusi.

Hibru 6:15

Kunia Ebraham mwa lol non binihiva mwa n̄ava, i la hala gea, kea mwa lai dum ginau be God nu tatauleo huria.

Jemes 1:3

bwatuna be gim iloe be taro ririhai geki ram haḡo ron̄ nomiu binihimwasigi garagusi, i geki vi lai ron̄ mwan̄ava.

1 Pita 2:1

Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

1 Pita 5:12

Nam rav avoan vwelvwele geki mai buluiana non Sailas, kea nam iloe be atat binihimwasigi lol Kraes. Nam ravae be nav lai avoan dura lalai kimiu i nav vevea lalai kimiu be geki haḡea mwasin hogoi nin God. Giv tu wasigi lol vatavuha gea.

2 Pita 1:6

be iloute mwa dogo huba giv bulusia gin binihiv bahivoi; be binihiv bahivoi mwa dogo huba giv bulusia gin maḡemu; be maḡemu mwa dogo huba giv bulusia gin rovoga non God;

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 13:10

Ihei tehe gabe mwa binihia be vi vwirihiana vai lol gao vauvauhi, na vwirihiana vai lol gao vauvauhi; i ihei tehe gabe mwa binihia be vi mate gin buan bwaloana, vi mate gin buan bwaloana. Kimiu atatu non God, bwatuna gea giv tu wasigi, i nomiu binihimwasigi garagusi vi tu wasigi alun God.”

Visirai 22:16

Inau haḡea, Jisas. Nan hora noḡu enjel be vi vev ginau duluai geki lalainigo i mwa bano lalai ira uloilua. Inau haḡea mwasin varan Deved. Inau visiu sarisari huri mabon̄i.

Visirai 3:10

Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.