Hibru 11:7 - Hano Niu Testamen

⁷ Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 11:7 ပူးပေါင်းရင်းမြစ်များ

Matiu 2:12

La mahavana be ira atat mataisaoga uhu ram maturu, God mwa avo lalainira lol maturubore, mwa bevea be, “Gitol si hav tabagilu te mulei vai aben lavoa Herod.” Haḡe ram dol dabagilu mulei la hala dolua.

Matiu 24:15

“Haḡe giv gita ginau bovonos hantai be vi tu lol ute sabuga kun gabe atatun vevsera Daniel nu vevea tuai.” (Ihei mwa basogo ginau geki vi ilo hano nam bevea!)

Matiu 24:25

Giv ron̄oe! Nam seserai ginau kera geki lalai kimiu amua gim siv loli.

Matiu 24:38

Kun tuai amua wailuluvi mwa siv mai, atatu ram ḡangan i ram mwinmwin, atamwan i vavine ram lagi, vai votu gubwen̄i be Noa mwa ḡalo la waḡa.

Matiu 3:7

Take mahavana Jon mwa ḡitae be ira Varise maira Sadusi ram mai be vi garuhisabugainira mwa bevea lalainira be, “Kimiu kun teltele! Ihei mwa bevea lalai kimiu be giv romaragai dum nin silo vevegi non God gabe mwa abena be men mai?

Leo Tavuha gabe Luk nu Ravae 17:26

Kunia n̄an be nu loli lol gubwen̄in Noa, vi loli mulei kunia lol gubwen̄in Nitun Atatu.

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Ravrava non Pol lalai ata Rom 10:6

Ta geki haḡea hano be avoan sabuga mwa bevea huria, kun hanigi atatu mwa lol bavtutu sivi binihimwasigi garagusi: “Gosav vevea tehe lalainigo sibomwa be, ‘Ihei vi hae amare aben God?’ ” (Kea gin binihiva be, “Ihei vi hae vai amare ba lai Kraes ata vai lol ureure?”)

Ravrava non Pol lalai ata Rom 3:22

God mwa lol atatu ram bavtutu maia sivi nora binihimwasigi garagusi alun Jisas Kraes. Geki mwasigi lalainira duluai be ram binihimwasigi Kraes, bwatuna be atatu duluai ran dadariha n̄ano:

Ravrava non Pol lalai ata Rom 4:11

Ram dav dovon̄an Ebraham be men lol seserainia be nu vavtutu la lolmatan God sivi binihimwasigi garagusi vuvuri ram siv tav dovon̄ana. Ebraham kea tamara duluai gabe ram binihimwasigi, ta ram hav tav te dovon̄ara, kea tamara atat binihimwasigi duluai gabe ram dame be ran vavtutu la lolmatan God.

Ravrava non Pol lalai ata Rom 4:13

Ebraham mai ira vara ata aluna ram lai tatauleo be rav haḡo ureure duluai. Mwa hav lai te tatauleo gea sivi silo, ta sivi non binihimwasigi alun God.

Ravrava non Pol lalai ata Rom 9:30

I ke ginau duluai geki binihivanana kun hanigi? Kera be ira Lolobon̄i ran hav lol te ron̄ora be ramen vavtutu lolmatan God, take ran vavtutu lolmatan God bwatun nora binihimwasigi garagusi.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

Hibru 11:1

Binihimwasigi garagusi kea havanau be tam doronhohov huria, tam iloe be nu mwasigi len̄len̄a be tam hav gitae tehe.

Hibru 12:25

Giv gitaḡoro, huria be gisav roron̄tai te God gabe mwa avo mai kimiu. Ata tuai be ran sin̄ohi bwerora be rasav ron̄ te roroi non God rasav habwe te dum hala vwate be rav romaragai. I kadogaha be tasav ron̄ te silon God be avo mai gida nin ute atamare, gida mulei tasav habwe te dum hala be tav romaragai.

Hibru 5:7

Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.

Hibru 8:5

Rovoga gabe ira tataroi ran lolia, kun gabe nunun ginau gabe ram loli lol ute amare. Geki mwasigi huri be tuai God nu vevea lalai Moses be vi haḡo Imwa Haohao gea gi tanon tataroi nu vevea be “Gov gita ḡoro tavuhainia be gomen lol ginau duluai kera geki, hurin halana duluai be nan vev seserainia lalainigo, amare la vusi.”

1 Pita 3:20

be ran varihai didi lin̄ maḡemu huri God tuai lol taron Noa. God nu hohovira lol maḡemu lol taro be Noa mwa boha waḡa. Atatu n̄an gaiviha, gaivwelu lol tatan̄ana ram rahu gin wai.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

2 Pita 2:5

I God nu vevegi ureure amua lol taro be nu hora wailuluvi lol ureure be nu masiri gin atatu be ran avo vai aluna. Take God nu varahu Noa, kea be nu toretore huri havanau be nu vavtutu mai God, i atat dodolua gaibitu maia.

2 Pita 3:6

i nin wai haḡea, wain wailuluvi mwa lol kaburai ureure ata amua.