Hibru 11:6 - Hano Niu Testamen

⁶ Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Hibru 11:6 ပူးပေါင်းရင်းမြစ်များ

Matiu 11:26

Mwasigi, Tata, geki halana gon doron be vi loli haḡea kunia.

Matiu 5:12

Giv samsamwara i giv garigari kimiu, huri be giv lai volimiu gaivua lol ute atamare. Kera ran lol ḡagarasi atatun vevsera atamua kunia.

Matiu 6:16

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba.

Matiu 6:33

Take kimiu giv gitaḡoro didinigi be giv tabe God gabe nomiu Ratahigi i be giv lol ginau vavtutu duluai gabe kea mwa doronia, i vi hogoi lalai kimiu ginau duluai kera geki mulei.

Matiu 6:5

“Mahavana be gim dataro, gisav lolia te kun ira hoḡoiḡoro. Kera ram doron be rav tu amare ba dataro lol imwa tataro i mulei la hal bulbulu huri be atatu ramen gitara. Nam bev mwasigi lalai kimiu be kera gea gabe ram lolia kunia, ram lai tavwera huba.

Leo Tavuha gabe Mak nu Ravae 16:17

Kera gabe ram binihimwasigi vi lai roron̄o lalainira be rav lol ginau dan̄an̄a ivusi; rav goro lua vui hantai ivusi lol ihaku; rav avo gin avoan dodolua;

Leo Tavuha gabe Luk nu Ravae 12:31

Take giv tau non ute amua gabe rahuan gara be mwa ratahigi alolona i kea vi hogoi lalai kimiu ginau duluai kera geki.”

Leo Tavuha gabe Luk nu Ravae 6:35

Mwa hav vora te kunia! Ta gov tabe nom ivwalu i gov lol tavuhainira. Giv hogosira gin ginau ta gisav doron te hohov be rav tabagilui muleinia. Kunia giv habwe tavwemiu gaivua, i giv vora ira nitun God Holomare Hae. Bwatuna kea mwa davuha lalai irahei gabe rasav vev te silo avkari lalainia i lalai ira hantain lalaḡo.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 8:24

Bwatuna haḡea nam bevea lalai kimiu be giv mate lol vuromiu. I giv mate lol vuromiu be gisav vinihi te mwasigi be, ‘Inau nam dogo Vai tuai.’ ”

Ravrava non Pol lalai ata Rom 10:14

Ta amua atatu ram siv hudali God huri buluiana, kera rav binihimwasigi aluna; i amua ram siv binihimwasigi aluna, rav ron̄ avoan sabuga kaburai huria; i lalainira be rav ron̄ avoana huri God, atatu vwate vi vevea lalainira;

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Hibru 11:26

Nu ḡunia n̄ano be nu vevea be, be kera ras manuhi Wani Vurai gabe God vi horae vi himai, ta kea sihav busbusi tehe. Kea mwa ron̄ mwa davuha maragai alun ginau gea, ninia be mwa ron̄ mwandavuha gin ginau tavuha alun rahuana lol vanua Ijip. Kea mwa ron̄oe kunia huria be kea mwa ḡitae tagaro alun tavwe be God vi laia lalainia.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

Hibru 4:2

Bwatuna be gida tam ron̄ avoana huri Roroi Tavuha kunira. Kera ran ron̄ roroi, take ran hav leahi tehe la hala be nu vavtutu, huri be mahavana be ran ron̄oe, ran hav dara tehe aluna la nora binihimwasigi garagusi.

Hibru 4:6

Kera gabe rav ron̄oe huri Roroi Tavuha muana, ran hav lai te dum mambuana bwatuna be ran hav vinihi te mwasigi. Take atatu rituai mulei abena be ram lai dum mambuana mai God.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

2 Pita 1:5

Bwatuna be kimiu gim haḡo ira vatavuha geki, Giv lol raumatan ginau i giv bulusia vai lol rahumiu: be binihimwasigi garagusi mwa dogo huba, giv bulusia gin tavuha, be tavuha mwa dogo huba giv bulusia gin iloute;

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”