Hibru 11:4 - Hano Niu Testamen

⁴ Ebol mwa dogo mwa binihimwasigi garagusi alun God, i bwatuna a haḡe gea non tabeana vwate be mwa laia lalai God nu tavuha maragai nin non tuana Ken. Haḡe bwatuna gabe Ebol mwa binihimwasigi garagusi alun God, bwatuna haḡe gea God mwa uloi tavuhai ihana be kea atat vavtutu vwate, i mwa samsamwara be vi lai non hogoi. Wani gea Ebol nu mate huba, take huria alen̄an non binihimwasigi garagusi, kea mwa dogo mwa avo lalai gida radu.

Hibru 11:4 ပူးပေါင်းရင်းမြစ်များ

Matiu 23:35

Huri ginau duluai kera gea, silo vevegi huri mateanan ira vavtutu duluai ata lol ureure geki vi dum kimiu, nu bwativuga alun mateanan Ebol atat vavtutu vai votui mateanan Sakaraia nitun Barakaia, gabe gin wehia lol davolan imwa i tanon tataroi Imwa Tataro.

Leo Tavuha gabe Luk nu Ravae 11:51

nu bwativuga nin mateanan Ebol vaivotu mateanan Sakaraia kea gabe nu wehiana lol davolan tanon tataroi mai Ute Sabuga. Mwasigi nam bevea lalai be sinombu ata garigi rav lai silo vevegi hurira duluai!”

Taetas 1:16

Ram bevea be ram ilo God, take nora lalaḡova mwa dovon̄ainia be ram hav lai te ḡoḡoe. Kera ram barihai atatu, ram hav roron̄tai tehe, ira atat hahantai huri be rav lol te havanau be nu tavuha.

Hibru 11:2

Binihimwasigi garagusi, kea haḡea hano be tam binihi dumwia lol taron ira sibida amua.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Hibru 12:24

Giv mai huri Jisas, gabe kea atatu be vi tari mulei Tatauleo gara non God. I kimiu giv mai alun dagan Jisas gea gabe nu lol melmeloi kimiu, gabe mwa bev lua ginau gabe ran tavuha liu, ninia gea be dagan Ebol mwa bev luae.

Hibru 5:1

Haḡe ira muai Tataroi duluai, sinombu ran gita luae i ram daria be vi lalaḡo lalai God hurira duluai, huri be men hagai udun bilara lalai God gin tataroi huri vurora.

Hibru 9:22

La alen̄an silo geki mwa abena be ginau n̄oto lalaḡo mwa ḡaburai daga huria be ginau duluai rav melmelo, lolmatan God. Kebe daga vwate sihav rovo tehe God sihav lai te dum lua vuron atatu.

2 Pita 2:8

(Lot Be nu vora atat tavuha, take bwatuna be nu togo mai atat bwatigoro vataha gubwen̄i, Lolona tavuha be nu to maira nu ron̄ ḡagarasi gin bwatigoro be nu gitae i nu ron̄oe.)

Ravrava nin Jud 1:11

Vi hantai maragai hurira. Ran huri hala non Ken, i ran lol ginau vahala kun Balam huri homu. Ram bwalo vai alun God kun Kora be nu lolia, i vi lol kaburainira kun Kora.