Hibru 11:35 - Hano Niu Testamen

³⁵ I bwatuna be vavine rituai ram binihimwasigi garagusi alun God, bwatuna gea God mwa lol barahu mulei nitura be ram mate huba. Take atatu rituai ram barihai didi maribwesi, i ram lin̄ nora ivwalu ram lol ḡagarasira maragai lol rebehira, ram mate lol rahuan tavuha.

Hibru 11:35 ပူးပေါင်းရင်းမြစ်များ

Matiu 22:30

Bwatuna be kera be ran mate rav tomare mulei, rai vora kun ira enjel lol ute atamare, i rasav lagi tehe.

Leo Tavuha gabe Mak nu Ravae 12:25

Batena be kera be ran mate rav tomare mulei, kera rai vora kun ira enjel lol ute atamare, i rasav lagi tehe.

Leo Tavuha gabe Luk nu Ravae 14:14

I kunia vi vatavuhanigo huria bwatuna be kera uhu rasav ḡele te dum mulei ginaganiana gabe gon van̄anira ginia. Take God sibona vi ḡelea lalainigo lol mahavana be ira vavtutu rav tomare mulei nin mateana.”

Leo Tavuha gabe Luk nu Ravae 20:36

Rav togo kun ira enjel i rasav mate te dum. Kera ira nitun God, bwatuna be ran tomare mulei nin mateana.

Leo Tavuha gabe Jon nu Ravae 5:29

I rav mwalue nin bwarura. Kera gabe ran lalaḡo tavuha rav tomare mulei i rav rahu, ta kera gabe ran lalaḡo hantai, rav tomare mulei i rav lai silo vevegi.”

Lalaḡova 22:29

Haḡe darihou n̄an kera be ran tu be rav hudali Pol gin avoan hudaligi ram bis dagai ninia; haḡe tomuai ḡoro atatun bwaloana mwa matagu maragai huri be mwa iloe kadogaha be Pol kea ata Rom, i mulei bwatuna be kea haḡe nu vauhi Pol gin Sen.

Lalaḡova 23:6

Pol mwa ḡitae be atatu rituai lol sinombu gea kera Sadusi i tavalura kera Varise, haḡe mwa av lua lol nora Kansel mwa bevea be, “Ira ata Israel! Inau Varise, bwatuna inau nitun Varise vwate. I inau lol silo vevegi teti kadogaha bwatuna, noḡu doronhohov be nai vevea, sage nam bevea be mateana vi tomare huri rahuana.”

Lalaḡova 24:15

Nam dau noḡu doronhohov alun God be nav gita ginau n̄an haḡe gea be kera ram binihia. Geki ginau haḡea be God vi lolia be vi lol atatu duluai rav rahu ira hantai mai ira tavuha.

Lalaḡova 4:19

Take Pita mai Jon ramuru bwaliura ramuru bevea be, “Kimiu sibomiu gin vevegia be kehibehe nu vahala lalai God, be garu vi tabe kimiu sage garu vi tabe God?

Lalaḡova 9:41

Pita mwa rarau mwa rav domareinia. Haḡe mwa uloi ira binihimwasigi mai ira bwero mwa lai muleinia lalainira, kea mwa rahu.

1 Korin 15:54

Lol taro be ginau geki vi loli, rebehi be vi lolian kaburai vi sagae sibona ginia kebe si hav lolian te dum kaburai, i rebehi geki be vi mate vi sagae ginia kebe si hav mate te dumwi. Lol taro be vi loli, avoan sabuga vi lolian vi mai gi mwasigi: “Mateana vi lolian kaburai lol samwarana.”

Filipae 3:11

Vuvuri nam haḡo doronhohov be inau siboku nai maragasi nin mateana.