Hibru 11:25 - Hano Niu Testamen

²⁵ Kea mwa hav doron tehe be vi ron̄ mwandavuha lol alen̄an vuro be huri taro kolo n̄ano. Take ke mwa ron̄ mwandavuha be vi bulu mai ira atat non God ba ron̄ mwahantai maira.

Hibru 11:25 ပူးပေါင်းရင်းမြစ်များ

Matiu 13:21

Take avoana mwa hav garoga tehe alolora. Ram davuha mahavana vwelvwele. I la mahavana be ram habwe kalkaliana sa mwa lol bonogainira bwatuna avoana, ram hovi darihou.

Leo Tavuha gabe Luk nu Ravae 16:25

Take Ebraham mwa bevea be, “Gov binihi dumwia nituku, be lol gubwen̄in rahumwa gon haḡo ginau tavtavuha ivusi, i Lasarus nu to ririhai lol rahuna. Ta uhugaha kea mwa samsamwara teti i giḡo gom ron̄ ḡagarasi.

Lalaḡova 7:34

Nan ḡita tomuai hantai mai ron̄ ḡagarasi non noḡu sinombu lol vanua Ijip. Nan ron̄ dum nora ron̄ ḡagarasi i haharigiana, i nam himai be nav ribwesira nin gao vauvauhi. Gov mai kadogaha i nav horago vai Ijip.”

Ravrava non Pol lalai ata Rom 5:3

Tam ron̄ mwandavuha mai nonda ginau vahala, bwatuna be ginau vahala kerageki ram lol togoan ḡoḡonai.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

Hibru 10:32

Nu tavuha be giv togo ba binihi mulei huri gubwen̄i amua be ran ḡao huba be rahun God nu votui kimiu. Gin habwe taro ririhai ivusi take taro keragea ran hav tau te kimiu ata.

Hibru 11:37

Atatu rituai mulei atatu ram bohara gin vatu, i rituai mulei atatu ram soara gi n̄adun gairua. I atatu rituai ram wehira gin buan bwaloana. I rituai gaisagara sigai, take ram sagasagai vinun sipsip mai nani. Vataha mahavana ram habwea mwa ririhai, i atatu ram mwaloinira ram ḡorora i ram lol hantainira.

Hibru 4:9

Take mwa hav vora te kunia. Haḡe bwatuna gea, tarona radu huri sinombu non God be rav haroro huri mambuana la hala n̄an gea be God nu lolia amua, gabe nu mambu harainia la gubwen̄ gaibituna.

Jemes 1:20

bwatuna be lolhoro si hav bului te dum rahumwa be vi vavtutu kunia be God mwa doronia.

Jemes 5:5

Rahumiu lol ureure nu masiri gin roso mai doroniva duluai be gim doronia. I ginau duluai be gim doronia giv lol dumwia. Kimiu gim buburu take gim len̄a be gubwen̄i gea gubwen̄in wehiwehi atatu.

1 Pita 2:10

Tuai kimiu gin hav vorate atatu, take kadogaha kimiu haḡea atat non God. Tuai kimiu gin hav lai te sine hagavi, take kadogaha gim lai sine hagavi non God.

Visirai 18:7

Vavine gea mwa binihi sagea sibona mwa lol rahuna gin ginau be volvol marahi. Kimiu giv lolia be kea vi ron̄ mwahantai maragai lol rebehina i binihina, vi dadariha kun non samwarana ata tuai. Mwa bevea gin mwasin lolona be, ‘Inau ratahigi lavoa vavine! Nasav vora te bwero dum n̄an haḡea sage be men ilo ron̄ovanan ron̄mwahantai.’