Hibru 11:16 - Hano Niu Testamen

¹⁶ Kera gea ram doron ute dolua vwate gi tanora gabe nu tavuha liu, i ute lol ute atamare n̄ano. I huria gea busbusiana sigai mai God, huria be kera ram bevea be kea nora God, huria be God mwa lol dautau bwatutun vanua vwate huba huria.

Hibru 11:16 ပူးပေါင်းရင်းမြစ်များ

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Leo Tavuha gabe Mak nu Ravae 12:26

Huri tomarean mulei nin mateana: kimiu gim hav vasogo te buk non Moses huri gabi nu oda ute vono? Nu ravana alolona be, God nu vevea lalai Moses be, ‘Inau God non Ebraham, God non Aisak, i God non Jekob.’

Leo Tavuha gabe Mak nu Ravae 8:38

Inau Nitun Atatu nav mai vai non̄oiha mai noḡu enjel mai ginau tavtavuha be tamaḡu vi laira lalaiau. La mahavana gea inau nav tavwe vataha atatu hurin nora lalaḡova. Be, atatu mwa busbusi giniau mai noḡu silo vagahi abera sinombu hantai be ram dogo garigi be God sigai abera, kunia inau mulei Nitun Atatu nav busbusi ginia batena nav mai mai ira enjel sabuga, lol sarisarin Tamaḡu.”

Leo Tavuha gabe Luk nu Ravae 12:32

“Gisav matagu tehe ira nitui sipsip bwatuna be Tamamiu mwa samsamwara be vi lai Rahuan Gara lalai kimiu lol ute gabe kea mwa ratahigi alolona.

Leo Tavuha gabe Luk nu Ravae 20:37

Kun Moses nu vev lua didininia be, ira atat mate rav tomare mulei huri rahuana. Lol vevurin ute vono gabe nu oda, Moses nu avo huri ratahigi be ‘kea God non Ebraham, God non Aisak, i God non Jekob.’

Leo Tavuha gabe Jon nu Ravae 14:2

Vwavwan imwa ivusi aia lol imwan Tamaḡu, i nav vano ba lol vatuvwai ute huri kimiu. Be avoana geki sihav vora te mwasigi nasav vev te bonogainia lalai kimiu.

Lalaḡova 7:32

“Inau God non ira sibimwa, God non Ebraham, Aisak, mai Jekob.” Moses mwa birururu gin mataguana i mwa hav gita te dum ute.

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

2 Timoti 4:18

God vi varahuau lol taro be ihei mwa doronia be vi lol ḡagarasiau, i vi lai rahurahuiau vai lol non Ute Ratahigi amare. Uloi roroi God vai tuai i vai tuai! Amen.

Hibru 10:34

Gom bului atat binhimwasigi be ram dogo lol vauvauhi. I lol taro be atatu ram mai ram lai dagai nomiu vataha ginau take kimiu gim samsamwara n̄ano, huribe gim iloe huba be nomiu vataha ginau rituai ram dogo be ran tavuha liu, i be rasav van te dagai nin kimiu.

Hibru 11:10

Ebraham mwa dogo kunia bwatuna be mwa do mwa hohovi be vi vano vai la bwatutun vanua be God mwa lol vatuvwai halana, i mwa haḡo domareinia. I bwatutun vanua gea bwatbwatuna vi tu bavtutu wasigi vataha mahavana.

Hibru 11:14

I mahavana atatu ram avo kunia, ram lolia mwa melmelo be, ran siro ute vwate radu gabe mwasin tanora.

Hibru 11:40

huria be God nu lol non taritari vwate huba be vi lol tavuhai gida liu. I lol bininhiva non God gea, nu vinihia be vi tarihoura mai gida amua, huria be vi lolira rai vavtutu tavuhai.

Hibru 12:22

Ta kimiu gin hav ḡao tehe habwe ginau kungeki i gin mai la vusi Saeon, i la bwatutun vanua gaivua gea vanuan God rahu be sihav mate te dumwi. Geki Jerusalem ata amare, mai ira enjel sinombu ram ḡoḡo bulbul abena.

Hibru 13:14

Lol ureure geki bwatutun vanua lavoa vwate sigai be vi tu dum vai tuai, take gida tav atei vanua vwate be vi mai radu.

Hibru 2:11

Jisas mai sinombu gabe mwa lolira ram sabuga, kera duluai ram bora vara gaituvwa. Bwatuna haḡea kea mwa hav busbusi tehe be men uloinira be ira tuana mai ira hogosina.

Visirai 21:2

I nam gita bwatutun vanua sabuga, Jerusalem Gara, mwa himai nin God lol ute atamare vai ataa. Nu vagaha vatuvwainia kun vavin lagi nu gabuinia huri lagiana i mwa hohovi be vi visogari mai ahoana.