Hibru 11:13 - Hano Niu Testamen

¹³ Atatu kera gea ram binihimwasigi garagusi alun God, take mahavana be ram mate, ram hav lai te dum ginau gea radu gabe God nu tatauleo be vi laia lalainira. Kera ram ḡita ginau kera gea kun gabe ram do hautu radu ninira, take ram samsamwara mulei huri be ramen gitara. I kera ram du ram bev luae lol ute melmelo be, kera ram dogo lol ureure geki take mwa du kun be kera tausala n̄ano, ureure geki mwa hav vora te mwasin tanora.

Hibru 11:13 ပူးပေါင်းရင်းမြစ်များ

Matiu 13:17

Nam bev mwasigi lalai kimiu be ira atatun vevsera i ira atat vavtutu ivusi ran doron maragai be rav gita ginau be gim ḡitae, take ram hav gitae tehe, be rav ron̄ hano gim ron̄oe, take ram hav ron̄oe tehe.

Leo Tavuha gabe Jon nu Ravae 12:41

Aesaia nu vev ginau geki bwatuna nu gita sarisarin Jisas i nu avo huria.

Leo Tavuha gabe Jon nu Ravae 8:56

Tamamiu Ebraham nu samsamwara huribe kea vi gita noḡu maiana; nu gitae i mwa samsamwara.”

Ravrava non Pol lalai ata Rom 4:21

Ebraham mwa iloe be, God vi lol dum hano gabe nu tatauleo huria.

Ravrava non Pol lalai ata Rom 8:24

Gida tam rahu, i tam haḡo doronhohov gea. Kebe tav gita hano be tam doronhohov huria, kea varate mwasin doronhohov. Atatu ram hav tau te nora doronhohov huri ginau gabe nora abena huba.

2 Korin 4:18

Gam hav tau te nomai binihimwasigi alun hano be matamai mwa ḡitae, take alun hano be gam hav gita te dumwia. Hano be tam ḡitara rav tu mahavan vwelvwele n̄ano, take hano be tam hav gitae tehe kea vi rahurahu vai tuai.

2 Korin 5:6

Tav tu wasi, tam iloe be tam dogo lol rebehi uhu, gida hautu nin God.

Ifisas 2:19

Kadogaha kimiu ira Lolobon̄i gim hav mom bora te ira atat mai sage ira tausala mulei, take kimiu mwasin atatun vanua gaituvwa bul mai sinombu sabuga non God. Kimiu gim bora vara alun God.

Hibru 11:14

I mahavana atatu ram avo kunia, ram lolia mwa melmelo be, ran siro ute vwate radu gabe mwasin tanora.

Hibru 11:17

Haḡe bwatuna be Ebraham mwa binihimwasigi garagusi alun God, i mahavana gabe God mwa lol ron̄oe, take kea mwa lol dau huba be vi wehi nituna Aisak, be vi hogoi ginia lalai God. God nu lol tatauleo kera gea lalai Ebraham, i Ebraham nituna n̄an gaituvwa. Take mwa lol dau be vi wehia i vi hogoi ginia lalai God.

Hibru 11:27

Huria be Moses mwa binihimwasigi garagusi alun God, i bwatuna gea kea mwa mwalue nin Ijip, i kea mwa hav matagui te ratahigi lavoa gea be mwa lol horo maragai. Kea sihav van te burigai be men mom bano mulei, take mwa du bavtutu la hala be mwa huria, kun gabe matama mwa dutu la God gea gabe atatu sihav gita te dumwia gin mwasin matana.

Hibru 11:39

Bwatuna gabe kera geki ram binihimwasigi garagusi alun God, kunia kea mwa lai iha tavuha lalainira gabe sihav vano te dumwi. Take kera gea ram hav lai te dum ginau tavuha radu gabe God nu tatauleo be vi laia lalainira,

1 Pita 1:1

Nin Pita, hala non Jisas Kraes. Lalai ira atat gita lua non God gabe ram dogo dagai nin tanora i be ram dogo dedeorai dalis bwatun Vanua Pontas, Kelesia, Kapadosia, Asia, i Bitinia.

1 Pita 1:17

Gov tataro lalai God i gov uloinia gi Tata, i nu harahara huri rovoga non atat gaitutuvwai n̄an gaituvwa i lol taro be gim dogo lol ureure, giv lol ron̄oe be giv togo gin binihimarahi huri God.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

1 Jon 3:19

Kunia haḡea be tam iloe be tam huri mwasin hala non God? Geki haḡea hala be tam iloe be God mwa dogo mai gida.