Hibru 11:10 - Hano Niu Testamen

¹⁰ Ebraham mwa dogo kunia bwatuna be mwa do mwa hohovi be vi vano vai la bwatutun vanua be God mwa lol vatuvwai halana, i mwa haḡo domareinia. I bwatutun vanua gea bwatbwatuna vi tu bavtutu wasigi vataha mahavana.

Hibru 11:10 ပူးပေါင်းရင်းမြစ်များ

Leo Tavuha gabe Jon nu Ravae 14:2

Vwavwan imwa ivusi aia lol imwan Tamaḡu, i nav vano ba lol vatuvwai ute huri kimiu. Be avoana geki sihav vora te mwasigi nasav vev te bonogainia lalai kimiu.

2 Korin 5:1

I tam iloe huba be rebehida kea kun imwa haohao be tam do alolona teti lol ureure vi lolian kaburai. Take batena be vi nogo, God kea vi lol imwa vwate lalai gida. Sihav vora te imwa be liman atatu vi lolia: Lol tanon rebehi gea vi vora tanoi vwate amare be vi togo vai tuai.

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

Hibru 11:16

Kera gea ram doron ute dolua vwate gi tanora gabe nu tavuha liu, i ute lol ute atamare n̄ano. I huria gea busbusiana sigai mai God, huria be kera ram bevea be kea nora God, huria be God mwa lol dautau bwatutun vanua vwate huba huria.

Hibru 12:22

Ta kimiu gin hav ḡao tehe habwe ginau kungeki i gin mai la vusi Saeon, i la bwatutun vanua gaivua gea vanuan God rahu be sihav mate te dumwi. Geki Jerusalem ata amare, mai ira enjel sinombu ram ḡoḡo bulbul abena.

Hibru 12:28

Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

Hibru 13:14

Lol ureure geki bwatutun vanua lavoa vwate sigai be vi tu dum vai tuai, take gida tav atei vanua vwate be vi mai radu.

Hibru 3:4

Atatu ran haḡo imwa, take God n̄ano mwa haḡo ginau duluai.

Visirai 21:2

I nam gita bwatutun vanua sabuga, Jerusalem Gara, mwa himai nin God lol ute atamare vai ataa. Nu vagaha vatuvwainia kun vavin lagi nu gabuinia huri lagiana i mwa hohovi be vi visogari mai ahoana.