Hibru 11:1 - Hano Niu Testamen

¹ Binihimwasigi garagusi kea havanau be tam doronhohov huria, tam iloe be nu mwasigi len̄len̄a be tam hav gitae tehe.

Hibru 11:1 ပူးပေါင်းရင်းမြစ်များ

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

2 Korin 11:17

Batena be nam av ravravwega, bwatuna be nam ron̄ batoia aloloku siboku, nam hav avo te kun be Ratahigi si avo take kun be daloi vwate.

2 Korin 4:18

Gam hav tau te nomai binihimwasigi alun hano be matamai mwa ḡitae, take alun hano be gam hav gita te dumwia. Hano be tam ḡitara rav tu mahavan vwelvwele n̄ano, take hano be tam hav gitae tehe kea vi rahurahu vai tuai.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

2 Korin 5:7

Tam rahu alun havanau be tam binihimwasigi garagusi aluna, take mwa hav vora te alun hano be tam ḡita dumwia.

2 Korin 9:4

Be ira hei nin sinombu ata Masedonia vi mai maiau i vi habwea kimiu gim hav lol te vatuvwai, kamai gav busbusi bwatun be gam binihimwasigi alumiu. (I kimiu mulei giv busbusi!)

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 10:39

Take gida vorate atatu kunia be tav van burigai, ba sala. Gida atatun binihimwasigi garagusi alun God i kea vi varahu gida.

Hibru 11:13

Atatu kera gea ram binihimwasigi garagusi alun God, take mahavana be ram mate, ram hav lai te dum ginau gea radu gabe God nu tatauleo be vi laia lalainira. Kera ram ḡita ginau kera gea kun gabe ram do hautu radu ninira, take ram samsamwara mulei huri be ramen gitara. I kera ram du ram bev luae lol ute melmelo be, kera ram dogo lol ureure geki take mwa du kun be kera tausala n̄ano, ureure geki mwa hav vora te mwasin tanora.

Hibru 11:27

Huria be Moses mwa binihimwasigi garagusi alun God, i bwatuna gea kea mwa mwalue nin Ijip, i kea mwa hav matagui te ratahigi lavoa gea be mwa lol horo maragai. Kea sihav van te burigai be men mom bano mulei, take mwa du bavtutu la hala be mwa huria, kun gabe matama mwa dutu la God gea gabe atatu sihav gita te dumwia gin mwasin matana.

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 2:3

Be gida tas varihai hal gaivua geki huri halan varahuva, i kunia tav lol haninia be tamen romaragai nin silo vevegi? Ratahigi sibona kea muana be nu vevea huri varahuva, i sinombu gabe ran ron̄ roroi lol taro gea mwa seserainia lalai gida be mwasigi.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 6:12

I gan hav doron tehe be giv bwatiḡoruga. Take kamai gam doron be giv huri alen̄ara gea be ram binihimwasigi wasigi i nora binihiva n̄an̄ava, i rav lai dum havanau be God nu tatauleo be vi laia lalainira.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.