Hibru 10:5 - Hano Niu Testamen

⁵ Bwatuna ginau kerageki, amua Kraes mwa lol vatuvwai be vi mai lol ureure, mwa bevea lalai God be, “Gom barihai be atatu rav lol hogoi i tataroi tuntun, take gom lol vatuvwai rebehiku vwate huba.

Hibru 10:5 ပူးပေါင်းရင်းမြစ်များ

Matiu 11:3

be rav hudalinia be, “Giḡo haḡe wani gabe Jon nu vevea be vi mai, sage gav hohov radui atat dolua?”

Leo Tavuha gabe Luk nu Ravae 1:35

Take enjel mwa bwaliua be, “Vui Sabuga vi himai alumwa, i roron̄o non God vi malugo; bwatuna kea vi uloi naturigi vi vora abemwa be naturigi sabuga vi uloiana be Nitun God.

Leo Tavuha gabe Luk nu Ravae 7:19

i mwa horara vai aben Ratahigi be raru men hudalinia be, “Giḡo haḡea wani gabe Jon nu vevea be vi mai, sage gav hohov radui atat dolua?”

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Hibru 1:6

I mahavana be God mwa lai mwasin Nituna muai bwana vai lol ureure, kea mwa bevea be, “Nu tavuha maragai be ira noḡu enjel rav hivbwaubwau kera duluai rav gogonainia.”

Hibru 10:10

La alen̄an tataroi tuntun gara God mwa lin̄ Jisas Kraes be men mate vatuvwa n̄ano be men lol gida tam melmelo, tam sabuga, kunia be mwa doronia.

Hibru 10:7

Kraes mwa bevea mulei be, “God nam lol vatuvwai be nav lol hano be gov vevea, kunia be ran ravae lol nom bukan silo.”

Hibru 10:8

Muana mwa bevea be, “Gom barihai be atatu ram lol hogoi i tataroi tuntun lalainigo. Gom hav samwara tehe be ram dun sipsip be men lai dagai vurora.” Ginau kerageki be atatu ram lolia ran vavtutu mai silo take God mwa hav ron̄ te mwandavuha gin ginau kerageki.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

Hibru 5:7

Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.

Hibru 8:3

Haḡe ira muai tataroi dodolua mulei kera gea, God mwa darira be rav tau ira hogoi lalainia i rav wehi ira ginau rahu ba lol tataroi tuntun be vi lai dagai vuron ira atatu. I la hala n̄an mulei kunia, nonda muai tataroi gea mulei mwa du be vi hagai ginau lalai God.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

2 Jon 1:7

Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.