Hibru 10:38 - Hano Niu Testamen

³⁸ Ira noḡu atat vavtutu rav vinihimwasigi i rav rahu. Take be vwate alolora vi van burigai nasav ron̄ te mwandavuha ginia.”

Hibru 10:38 ပူးပေါင်းရင်းမြစ်များ

Matiu 12:18

“God mwa bevea be, ‘Geki noḡu atatun rovoga, nam ḡita luae. Nam dabe maragainia i nam samsamwara ginia. Nav tau noḡu Vui Sabuga aluna, i vi vev lua noḡu silo vevegi lalai sinombu duluai.

Matiu 13:21

Take avoana mwa hav garoga tehe alolora. Ram davuha mahavana vwelvwele. I la mahavana be ram habwe kalkaliana sa mwa lol bonogainira bwatuna avoana, ram hovi darihou.

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Kelesia 3:11

Kadogaha mwa melmelo be atatu vwate si hav lolian te vavtutu mai God gin silo, bwatuna be ravrava sabuga mwa bevea be, “Kera be ran vavtutu mai God rav rahu ginia be ram dabea.”

1 Tesalonaeka 2:15

Kera ran wehi saraḡo Ratahigi Jisas i ira atatun vevsera i ran garoi kamai be gav derai Vanua gea. Ram hav lol te samsamwarai lolon God i ram ban burigai sinombu duluai.

Hibru 10:39

Take gida vorate atatu kunia be tav van burigai, ba sala. Gida atatun binihimwasigi garagusi alun God i kea vi varahu gida.

Jemes 5:6

Gim bevegi atatu be ran vavtutu i gim wehi bamat atatu be ram hav hantai tehe mai kimiu.

1 Jon 2:19

Sinombu kera geki tam mai nin nomai vatugigi, take ram bano bwatuna be la mwasigi, kera ram hav vora te mai kamai mwasigi. Be sivora kera bul mai kamai mwasigi ras togo mai kamai. Take kera ram bano i mwa ḡigilaga be kera ram hav vora tehe bul mai kamai.