Hibru 10:33 - Hano Niu Testamen

³³ Gubwen̄ rituai ram bev bwarebware kimiu lolmatan atatu i ram lol bwarebware kimiu.

Hibru 10:33 ပူးပေါင်းရင်းမြစ်များ

1 Korin 4:9

Take lalaiau la gitavanana kun be God nu tau kamai ira hala la nogonan ute. Gida kun atatu gabe vevegi mwa bevegira huri mateana lolmatan i ira enjel duluai mai ira atatu duluai ata lol ureure.

2 Korin 12:10

Haḡe nam samsamwara be nav sasagerega huri noḡu mandamanda, ram av leileiau ram lai taro ririhai lalaiau, nam ron̄ḡagarasi, i lalan̄an taro ririhai huri Kraes. Bwatuna be batena be nam mandamanda, vuvuri nam wasi mwasigi.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Filipae 4:14

Take nu tavuha be gin buluiau la mahavana be nan doron buluiana.

1 Tesalonaeka 2:14

Ira tuaku, nomiu rovoga huba kun ira atat non God ira binihimwasigi lol Kraes Jisas be ata Judia. Gin ron̄ ḡagarasi huri sinombu ata lol mwasin vanuamiu, kunia be ran ron̄ mwahantai, ginira ira varan ira Jius.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

Hibru 11:26

Nu ḡunia n̄ano be nu vevea be, be kera ras manuhi Wani Vurai gabe God vi horae vi himai, ta kea sihav busbusi tehe. Kea mwa ron̄ mwa davuha maragai alun ginau gea, ninia be mwa ron̄ mwandavuha gin ginau tavuha alun rahuana lol vanua Ijip. Kea mwa ron̄oe kunia huria be kea mwa ḡitae tagaro alun tavwe be God vi laia lalainia.

Hibru 11:36

Atatu rituai atatu ram manuhi hantainira, i ram bivilisira. I atatu rituai mulei kunia atatu ram bauhira gin gao talai ram daura lol imwa vauvauhi.

Hibru 12:4

Alun rahumiu be gin bwalo ḡoro bwatigoro, vwate nin kimiu mwa hav mate te radu.

Hibru 13:13

Kunia mulei gida tav hiv avare dagai nin bwatutun vanua i tav bete la non busbusiana.