Hibru 10:32 - Hano Niu Testamen

³² Nu tavuha be giv togo ba binihi mulei huri gubwen̄i amua be ran ḡao huba be rahun God nu votui kimiu. Gin habwe taro ririhai ivusi take taro keragea ran hav tau te kimiu ata.

Hibru 10:32 ပူးပေါင်းရင်းမြစ်များ

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Filipae 3:16

Take mwa du be gida tav huri rahurahui mwasigi be tam haḡoe huba.

Kolosi 2:1

Nam doron giv ilo taro ririhai be nan lol rovoga huri kimiu, kera Laodisia, i kera dodolua be vorate ram ḡita hohoiau.

Hibru 12:4

Alun rahumiu be gin bwalo ḡoro bwatigoro, vwate nin kimiu mwa hav mate te radu.

Hibru 5:12

Tarona radu abena be kimiu giv vora vagahi, take gim doron vagahi be atatu vi vagahi kimiu gin muan silo vagahi huri roroi non God. Kunia be tarona be gisav gan te ginau wasi radu, take mwa du be giv huhu radu.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

Hibru 6:4

Kera gabe ran tabagilu huba, halara sigai, bwatuna be kera gea ran mai lua alolon gigita non God. Ran lai tabeana gea huba gabe nu himai nin ute atamare, i Vui Sabuga nu himai huba aluna mai atatu dololua mulei.

2 Jon 1:8

Giv gitaḡoro sibomiu be gisav haḡo te bahal ginau duluai be gin lol rovoga huria, take be giv lai tavwe duluai.

Visirai 2:5

Kimiu giv vinihi dum taro be gin togo tuai alolona, mahavana be gin hav hovi tehe radu, i giv vinihi leahi nin vuromiu duluai; i giv togo lol rahuana be gin togo aluna amua. Take be kimiu gisav van te burigai nin vuromiu, kunia inau nai mai mulei huri kimiu, i nav lai dagai tanon nomiu bulu.

Visirai 3:3

Giv vinihi dum silo vagahi be ran vagahi kimiu tuai aluna: giv vinihi mwasigi nia i giv van burigai nin vuromiu. Be gisav mamata tehe, nav mai huri kimiu kun gabe, atat surasura, i gisav ilo te dum mahavan taro gabe nai mai;