Hibru 10:24 - Hano Niu Testamen

²⁴ Nu tavuha be tav binbinihi huri gida gaitutuvwai be tav bulubului gida be vi lol gida tav wasi be tav bului atatu i be tav lol alen̄ tavuha.

Hibru 10:24 ပူးပေါင်းရင်းမြစ်များ

Lalaḡova 11:29

Haḡe ira hala ram binihi tuhia be atatu gaitutuvwai vatvatahara vi lai udun bilana huribe vi bului ira binihimwasigi rituai gabe ram dogo Judia.

Ravrava non Pol lalai ata Rom 11:4

Ke God nu vev hano i vwaliun avoana lalai Elaija? Kea nu vevea be, “Take nan lin̄ atatu vasan̄vul vabitu be ram hav tai te hohoi bwatura lalai nun vatu Baal.”

Ravrava non Pol lalai ata Rom 12:15

Gov samwara maira be ram samwara, i gov ron̄ mwahantai maira be ram ron̄ mwahantai.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

1 Korin 9:22

Lalainira be ram mandamanda, inau mulei nam bora kunira, huribe nav lai dum ira mandamanda. Nam mai gi ginau duluai lalai atatu n̄oto huribe nav lol dum rovoga lalainira la hala duluai be vi dumwi.

2 Korin 8:8

Nam hav lai te avoana lalai kimiu be giv hogohogo. Take nam doron be nav gita nomiu lolotabetabe mwasigi be tav dadarihai kimiu maira dodolua be ram doron mwasigi be rai bului.

2 Korin 9:2

Nam iloe be gim doronia be giv bului. Nan av ravravwega huria lalai sinombu Masedonia, nam bevea lalainira be la ḡereḡeren Kris ran lol vatuvwai be rav hogoi lol taul vwate huba. I nomiu doroniva be giv hogoi nu lolira kera ivusi ram lol vatuvwai mulei be rav hogoi.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Kelesia 6:1

Ira tuaku, be atatu vwate lol nomiu tatan̄ana mwa lol ginau vahala, giḡo gabe gom dogo lol Vui gos vano aben wani gea ba buluia ba lol bavtutu muleinia. Take giv gitaḡoro, bere gim ḡal kimiu vai lol vuro mulei.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 5:11

Haḡe giv turatura kimiu gaitutuvwai i giv hagai muramura lalai kimiu gaitutuvwai, kunia kebe gim lolia kadogaha.

2 Tesalonaeka 3:9

Nomai mwasigi be gav hudali kimiu be giv bului kamai, ta gam lol rovoga be gav gitaḡoro kamai sibomai huribe gav tau malele tavuha lalai kimiu be giv huria.

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

Taetas 2:4

Vuvuri kera rai vagahi ira vavin gara be rav tabe ahoara i be rav tabe ira nitura,

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.

Hibru 13:1

Giv tabetabe kimiu kunira huhu gaituvwa.

Hibru 13:3

Giv vinihi dumwira gabe ram dogo lol imwa vauvauhi, kun gabe kimiu lol imwa vauvauhi bul maira. I mulei giv vinihi dumwira gabe ram ron̄ ḡagarasi kun gabe, kimiu mulei gim ron̄ ḡagarasi bul maira.

Hibru 3:13

Kimiu gisav lolia te kunia. Avoana gea be mwa bevea vataha gubwen̄i be, “Garigi” mwa lulu aluda siboda, i kimiu giv avoinia lalai kimiu sibomiu huria be nomiu binihiva sihav hovi te dumwi. Hala n̄an gea be vi lol wasi kimiu huria be vwate nin kimiu sihav hovi tehe lol bwatigoro la alen̄ana be nu wasi.

1 Jon 3:18

Naturirigi gisav avo tehe n̄an huri lolotabetabe, take gin nom lalaḡova.